Trump and Xi Jinping. Foto: Daily Express.

Qıtay jaña şaralar qoldanıp, AQŞ-tıñ jaña salıq reformasına toqtatuğa tırısuda. Resmi Beyjiñ biligi Tramp ükimeti jasağan qısımdı älsiretudi maqsatında, kün energiyasın taqtaları jäne kir juu maşinasına qaratqan jaña salıq erejesine narazılıq bildirip, Düniejüzilik Sauda Wyımına (WTO) şağım tüsirdi. Bwl turalı WSJ basılımı habarladı.

Atalğan şağımda: «Tramp ükimetiniñ jaña salıq erejeleri, osığan deyin saqtalıp kele jatqan halıqaralıq erejelerge say emes, AQŞ tarabı bwdan kelip şıqqan şığındarğa tiisti tölemaqı berui tiis», - delingen.

Tramp ükimeti osığan deyin mümkindiginşe, Qıtaydıñ ıqpaldı sauda äreketterin tejeu sayasatın jürgizip keldi. Bwl sayasatınıñ işinde investiciya saludı şekteu jäne jaña salıq reforması da bar. Aq üydiñ mälimetine qarağanda, Qıtaydıñ AQŞ-tan wrlaytın ziyatkerlik önimderiniñ özi jılına Qwrama Ştatqa 1 mlrd dollar ziyan keltiredi eken.

Tramp ükimeti Qıtaydıñ DSW-ğa jasağan şağımına qattı bir män berip ketpeytinin ayttı. Qıtay qazir kün energiyası taqtaların şığaruşı iri el bolıp sanalatındıqtan, AQŞ ükimetiniñ bwl salağa jasağan kedergisi Beyjiñniñ DSW-dan kömek swrauğa mäjbür etti.

DSW AQŞ pen Qıtaydı ortaq mämilege şaqırıp otır. Qos tarapqa mämilege kelu üşin berilgen uaqıt bir apta, soğan say eger 30 kün işinde eki el ortaq mämilege kele almasa, onda DSW Qıtaydıñ qaytarma sankciya saluına jol bergeli otır. Biraq, Qıtay qarsı sankciyanı tek üş jıldan keyin ğana jüzege asıra aladı.

Eki el arasındağı şielenis tek saudada ğana emes, Tramptıñ «Äueli Amerika» sayasatınıñ äserinen AQŞ-Qıtay arasındağı diplomatiyalıq qayşılıqtar da şielenise tüspek. AQŞ jäne onıñ odaqtastarı Qıtaydıñ sauda äreketterine alañdauşılıq bildirdi. Sonday-aq, AQŞ odaqtastarı Tramp ükimetimen birge Qıtayğa qarsı şaralardı qayta iske qosuı mümkin ekenin eskertti.

Qıtay basşısı älem aldında Qıtaydı AQŞ-qa para-par alıp ekonomika, älemniñ jaña köşbasşısı retinde körsetuge tırısqan. Alayda, AQŞ-Qıtay qarım-qatınası qazir, äsirese sauda-sattıqta otasa almastay küyge tüsti. Bwl eki el üşin de, älem ekonomikası üşinde jaña şielenisti mäsele bolıp twr.

“The Qazaq Times”