Bügin, Bükil älemdik Densaulıq saqtau Assambleyası aşıluı boladı. Bwnday jiın alğaş ret virtualdı formatta ötedi. Birqatar elder Düniejüzilik Densaulıq saqtau wyımınıñ äreketterine bağa berudi jiın küt tärtibine engizudi közdep otır. Qalay bolğanda da kezekti otırısta DDW-nıñ tağdırı sınğa tüskeli otır.

Biıl älemdi dürbeleñge salğan atı şulı virustan 4,5 mln şamasındağı adam zardap şekti jäne 300 mıñday adam köz jwmdı. EO, Britaniya, Australiya, Jaña Zelandiya jäne AQŞ qatarlı elder DDW-nıñ pandemiya kezinde dwrıs äreket jasamağanın alğa tartıp, kezekti jinalısta jauap aladı.

Degenmen, Assambleyada DDW-nıñ qwqıqtarı men qimıl kölemin keñeytu isteri de qaralğalı otır. Aytalıq, kez-kelgen jwqpalı, qauipti auırular payda bolğan jerge halıqaralıq wyım derbes tekseru tobın kirgize aluı mümkin.

AQŞ-tıñ atalğan halıqaralıq wyımdı qattı sınğa alıp, Covid-19 isine baylanıstı Beyjiñge jaqtastı dep ayıptağanın bilemiz. Sonday-aq, prezident Tramp atalğan wyımdı qarjılay qoldaudı toqtattı. Biraq, wyım bwl ayıptardı teriske şığardı jäne wyım jetekşisi AQŞ pen Qıtay arasında «sayasi futbol» bolıp qalğanın aytıp şağınuda.

Qalay degenmen, Assambleya DDW ğana emes, älem üşin asa mañızdı bolğan şeşimderdi talqılauğa bas qosuda. Bwl jinalıstağı qararlar aldağı uaqıtta älem halıqtarınıñ tirşilik dağdısına aynaluı da bek mümkin.

“The Qazaq Times”