Foto: franchiseindia.com

2017 jılı ärbir qazaqstandıq qoldanuşı internet-dükenderden ortaşa eseppen 54 mıñ teñgege zat satıp alğan. Keminde 3-4 ret sauda jasalğan jäne bwl 2016 jılğa qarağanda 2,2 esege joğarı. "YAndeks. Kassa" sarapşıları osınday mälimet keltirip otır.

Mälimetke qarağanda, qazaqstandıqtardıñ jwmsaytın qarjısı 2016 jılmen salıstırğanda 4 esege ösken. Al onıñ işinde internet saudası 1,8 esege artqan. ortaşa çek kölemi 2,3 esege nemese 12 689 teñgege ösken.

Satıp aluşılardıñ köpşiliginiñ onlayn swranısı twrmıstıq tehnikağa, gülge jäne tamaq önimderine artqan. Osılayşa "YAndeks. Kassa" Qazaqstanda  onlayn sauda qanday zattarğa jii jasalatın anıqtağan. Olar mınalar:

  • Kiim, ayaq kiim, aksessuarlar
  • Gadjetter, twrmıstıq tehnika
  • Kitaptar
  • Üyge arnalğan zattar
  • Kölikke arnalğan aksessuarlar men bölşek qwraldarı
  • Kosmetika jäne iissular
  • Sport jäne turizmge arnalğan zattar
  • Balalarğa arnalğan tauarlar
  • Tamaq önimderi

Anıqtalğanday, onlayn saudanı eñ köp jasaytındar Astana twrğındarı eken. Bas qalada tauardı onlayn alu kezindegi ortaşa çek 19 867 teñgeni (bir jıl bwrın 7752 teñge) qwrağan.  Aqtöbede  ortaşa çek - 16 824 teñge (bir jıl bwrın 7924 teñge), Şımkentte - 16 536 teñge (4019 teñge),  Almatıda - 14 814 teñge (4823 teñge), Pavlodarda -  12 230 teñge (7809 teñge), Qarağandıda - 10 680 teñge (6144 teñge), Tarazda - 8900 teñge (5283 teñge), Öskemende - 8039 teñge (5110 teñge), Semeyde - 5340 teñge (3503 teñge) bolğan.

“The Qazaq Times”