2017 جىلى ءاربىر قازاقستاندىق قولدانۋشى ينتەرنەت-دۇكەندەردەن ورتاشا ەسەپپەن 54 مىڭ تەڭگەگە زات ساتىپ العان. كەمىندە 3-4 رەت ساۋدا جاسالعان جانە بۇل 2016 جىلعا قاراعاندا 2,2 ەسەگە جوعارى. "ياندەكس. كاسسا" ساراپشىلارى وسىنداي مالىمەت كەلتىرىپ وتىر.
مالىمەتكە قاراعاندا، قازاقستاندىقتاردىڭ جۇمسايتىن قارجىسى 2016 جىلمەن سالىستىرعاندا 4 ەسەگە وسكەن. ال ونىڭ ىشىندە ينتەرنەت ساۋداسى 1,8 ەسەگە ارتقان. ورتاشا چەك كولەمى 2,3 ەسەگە نەمەسە 12 689 تەڭگەگە وسكەن.
ساتىپ الۋشىلاردىڭ كوپشىلىگىنىڭ ونلاين سۇرانىسى تۇرمىستىق تەحنيكاعا، گۇلگە جانە تاماق ونىمدەرىنە ارتقان. وسىلايشا "ياندەكس. كاسسا" قازاقستاندا ونلاين ساۋدا قانداي زاتتارعا ءجيى جاسالاتىن انىقتاعان. ولار مىنالار:
- كيىم، اياق كيىم، اكسەسسۋارلار
- گادجەتتەر، تۇرمىستىق تەحنيكا
- كىتاپتار
- ۇيگە ارنالعان زاتتار
- كولىككە ارنالعان اكسەسسۋارلار مەن بولشەك قۇرالدارى
- كوسمەتيكا جانە ءيىسسۋلار
- سپورت جانە تۋريزمگە ارنالعان زاتتار
- بالالارعا ارنالعان تاۋارلار
- تاماق ونىمدەرى
انىقتالعانداي، ونلاين ساۋدانى ەڭ كوپ جاسايتىندار استانا تۇرعىندارى ەكەن. باس قالادا تاۋاردى ونلاين الۋ كەزىندەگى ورتاشا چەك 19 867 تەڭگەنى ء(بىر جىل بۇرىن 7752 تەڭگە) قۇراعان. اقتوبەدە ورتاشا چەك - 16 824 تەڭگە ء(بىر جىل بۇرىن 7924 تەڭگە), شىمكەنتتە - 16 536 تەڭگە (4019 تەڭگە), الماتىدا - 14 814 تەڭگە (4823 تەڭگە), پاۆلوداردا - 12 230 تەڭگە (7809 تەڭگە), قاراعاندىدا - 10 680 تەڭگە (6144 تەڭگە), تارازدا - 8900 تەڭگە (5283 تەڭگە), وسكەمەندە - 8039 تەڭگە (5110 تەڭگە), سەمەيدە - 5340 تەڭگە (3503 تەڭگە) بولعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى