الەمنىڭ ۇزدىك جۇمىس بەرۋشىلەرى كىمدەر؟

Forbes باسىلىمىنىڭ مالىمەتىنشە، حالىقارالىق ۇزدىك جۇمىسپەن قامتاماسىز ەتۋشىلەر ءتىزىمىن اقش كومپانيالارى باستاپ تۇر.

ءتىزىمنىڭ باسىندا تۇرعان 10 كومپانيانىڭ التاۋى اقش-تا ورنالاسقان.

ءبىرىنشى ورىن Google-دىڭ ەنشىلەس كومپانياسى، 72 مىڭ قىزمەتكەرى بار Alphabet-كە تيەسىلى. كومپانيا قىزمەتكەرلەرى كومپانيانىڭ ءيميدجىن، جۇمىس شارتتارى مەن كوپ سالالىعىن جوعارى باعالايتىن كورىنەدى.

ەكىنشى ورىندا الەمنىڭ ەڭ ۇلكەن تەحنولوگيالىق كومپانياسى - Microsoft. كومپانيانىڭ تازا پايداسى - 21,2 ملرد دوللار، ال نارىقتاعى قۇنى 573,7 ملرد دوللارعا باعالانادى.

1959 جىلى نەگىزى قالانعان Japan Exchange Group جالپى ۇزدىك جۇمىسپەن قامتاماسىز ەتۋشىلەردىڭ تىزىمىندە ءۇشىنشى بولىپ وتىر.

ايماقتىق بانكتەر دە تىزىمدە ۇزدىك ورىندا: اقش-تا ورنالاسقان Northern Trust بانكى 12-ورىندا، تايلاندتىڭ Kasikornbank-ءى 16-ورىندا جانە فيليپپيندىك BDO Unibank-ءى 23-ورىندا.

اتالعان ءتىزىمدى جاساۋ ءۇشىن ماماندار 360 مىڭنان استام ۇسىنىس حاتتى تالدادى. قىزمەتكەرلەر "جۇمىس بەرۋشىسىنە قانداي باعا بەرەدى؟", "جاقىندارىن وسى كومپانياعا جۇمىسقا شاقىرا ما؟" دەگەن سەكىلدى سۇراقتارعا جاۋاپ بەردى.

“The Qazaq Times”