Bäsekege qabilettiliktiñ jahandıq indeksi (BJI) boyınşa Qazaqstanda AITV (adamnıñ immun tapşılığı virusı) infekciyasınıñ taralu körsetkişi 15-49 jas aralığındağı twrğındar arasında 0,2 payızdı qwraydı, orta älemdik körsetkiş boyınşa - 1,6%. Bwl turalı Qr Densaulıq saqtau ministrliginiñ baspasöz qızmeti habarladı. 

"Soñğı bes jılda elde twrğındardı testileu artqannan keyin AITV infekciyasınıñ ösu qarqını üş esege tömendedi. Soñğı on jılda AITV-men ömir süretin adamdardıñ (AÖA) qaytıs boluı 2,6 esege qısqardı. JITS qızmetiniñ soñğı on jıldağı jetistikteri retinde AITV infekciyasınıñ anadan balağa berilu deñgeyiniñ tört esege tömendeui boldı. Bwl tendenciyalar memlekettiñ AITV infekciyasınıñ taraluın tejeuge arnalğan jauaptı şaralardıñ tiimdiligin körsetedi.

Ministrliktiñ mälimetinşe, AITV infekciyasınıñ taraluı minez-qwlıqqa da baylanıstı bolatın sozılmalı infekciyalıq auru.

Sonday-aq, Qazaqstanda azamattar üşin AITV infekciyasına testileuden ötu jäne emdelu tegin ekendigin, memleket qarjısı esebinen jüzege asırıladı. Qazaqstanda soñğı on jılda AITV infekciyasın testileumen qamtu eki jarım esege arttı. 2006 jılı testti 1,2 million qazaqstandıq tapsırsa, 2017 jıl qorıtındısı  boyınşa bwl körsetkiş 2,9 milliondı qwradı. Osılay ärbir altınşı qazaqstandıq öziniñ AITV ahualın biledi.

“The Qazaq Times”