باسەكەگە قابىلەتتىلىكتىڭ جاھاندىق يندەكسى (بجي) بويىنشا قازاقستاندا ايتۆ (ادامنىڭ يممۋن تاپشىلىعى ۆيرۋسى) ينفەكتسياسىنىڭ تارالۋ كورسەتكىشى 15-49 جاس ارالىعىنداعى تۇرعىندار اراسىندا 0,2 پايىزدى قۇرايدى، ورتا الەمدىك كورسەتكىش بويىنشا - 1,6%. بۇل تۋرالى قر دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى. 

"سوڭعى بەس جىلدا ەلدە تۇرعىنداردى تەستىلەۋ ارتقاننان كەيىن ايتۆ ينفەكتسياسىنىڭ ءوسۋ قارقىنى ءۇش ەسەگە تومەندەدى. سوڭعى ون جىلدا ايتۆ-مەن ءومىر سۇرەتىن ادامداردىڭ ء(اوا) قايتىس بولۋى 2,6 ەسەگە قىسقاردى. جيتس قىزمەتىنىڭ سوڭعى ون جىلداعى جەتىستىكتەرى رەتىندە ايتۆ ينفەكتسياسىنىڭ انادان بالاعا بەرىلۋ دەڭگەيىنىڭ ءتورت ەسەگە تومەندەۋى بولدى. بۇل تەندەنتسيالار مەملەكەتتىڭ ايتۆ ينفەكتسياسىنىڭ تارالۋىن تەجەۋگە ارنالعان جاۋاپتى شارالاردىڭ تيىمدىلىگىن كورسەتەدى.

مينيسترلىكتىڭ مالىمەتىنشە، ايتۆ ينفەكتسياسىنىڭ تارالۋى مىنەز-قۇلىققا دا بايلانىستى بولاتىن سوزىلمالى ينفەكتسيالىق اۋرۋ.

سونداي-اق، قازاقستاندا ازاماتتار ءۇشىن ايتۆ ينفەكتسياسىنا تەستىلەۋدەن ءوتۋ جانە ەمدەلۋ تەگىن ەكەندىگىن، مەملەكەت قارجىسى ەسەبىنەن جۇزەگە اسىرىلادى. قازاقستاندا سوڭعى ون جىلدا ايتۆ ينفەكتسياسىن تەستىلەۋمەن قامتۋ ەكى جارىم ەسەگە ارتتى. 2006 جىلى تەستتى 1,2 ميلليون قازاقستاندىق تاپسىرسا، 2017 جىل قورىتىندىسى  بويىنشا بۇل كورسەتكىش 2,9 ميلليوندى قۇرادى. وسىلاي ءاربىر التىنشى قازاقستاندىق ءوزىنىڭ ايتۆ احۋالىن بىلەدى.

“The Qazaq Times”