Foto: Amitel

JITS-pen (SPID), tuberkulezben jäne bezgekpen küresu üşin Jahandıq qorı «AITV» (VIÇ) komponenti boyınşa Qazaqstanğa 2018-2020  jıldarğa  4,5 mln AQŞ dollar grantın böledi. Bwl turalı QR Densaulıq saqtau ministrliginiñ resmi saytında habarlandı.

"Granttıñ maqsatı - halıqtıñ osal toptarı men AITV-men ömir süretin adamdardıñ kütim jäne kömek qızmetterine qoljetimdiligin arttıru üşin äleumettik kelisim-şart jüyesin institucionalizaciyalau arqılı Qazaqstanda AITV-infekciyasınıñ taraluına twraqtı wlttıq ıqpal jasau", - delingen vedomstvo habarlamasında.

Grant qarjılandıru mehanizmderiniñ normativtik-qwqıqtıq bazasın nığaytuğa jäne negizgi osal toptar arasında ( in'ekciyalıq esirtkini twtınuşılar, erlermen jınıstıq qatınasqa tüsetin erkekter, seks-jwmıskerler, ükimettik emes wyımdar üşin äleumettik tapsırıstardı orındau shemaların qosa alğanda) AITV boyınşa şaralardı iske asıruğa bağıttalatın boladı. Grant Astana, Almatı qalalarında jäne Qarağandı oblıstarında jüzege asırıladı.

Pilottıq aymaqtarda granttı jüzege asıru ükimettik emes sektor arqılı qoğamdıq tärtipti jüzege asıru arqılı osal toptar arasında aldın-alu bağdarlamalarınıñ tiimdi ülgisin jasauğa kömektesedi.

Sonday-aq,  ministrliktiñ mälimetinşe, bwl model' bükil el boyınşa jüzege asırılatın boladı, ol aldın alu jwmıstarı men negizgi toptarğa qoljetimdilikti küşeytedi.

“The Qazaq Times”