QR prezidenti Nwrswltan Nazarbaev pen prem'er-ministrdiñ orınbasarı Asqar Jwmağaliev. Foto: akorda.kz

Bügin QR prezidenti Nwrswltan Nazarbaev prem'er-ministrdiñ orınbasarı Asqar Jwmağalievti qabıldadı. Kezdesude Memleket basşısına "Cifrlıq Qazaqstan" memlekettik bağdarlamasınıñ iske asırılu barısı jäne bwğan deyin berilgen tapsırmalardı orındau üşin atqarılğan şaralar jöninde bayandaldı, dep habarlaydı Aqordanıñ resmi saytı. 

"Cifrlandırudıñ arqasında Qazaqstan ekonomikası 30 payızğa ösui kerek, ol aqşağa şaqqanda 2 trillion teñgeden asadı", – dedi prezident.

Nwrswltan Nazarbaev Qazaqstanda jinaqtalğan täjiribe men qwzırettilikti saqtau üşin cifrlandıru salasındağı memlekettik tapsırıstardı jüzege asıru mäselelerin saralauğa otandıq biznestiñ qatısuı qajet ekenin atap ötti.

"Cifrlandıru bağdarlaması bekitildi. Memleket oğan az aqşa bölip otırğan joq, sondıqtan olardıñ tiimdi paydalanıluın qamtamasız etu kerek", – dedi Nazarbaev.

Asqar Jwmağaliev Qazaqstan Prezidentine «Cifrlıq Qazaqstan» bağdarlamasınıñ orındaluınan kütiletin nätijeler jöninde mälimdedi.

"Cifrlandırudı engizudiñ arqasında öndiruşi önerkäsipte önimniñ özindik qwnı tömendep,  öndiris kölemi wlğayadı. Sonday-aq, elektrondı kommerciya salasında 200 mıñğa juıq jaña jwmıs ornı aşıladı dep otırmız. Bizdiñ esebimiz boyınşa, tek keden jäne salıq qızmetterin cifrlandıru nätijesinde memleket qazınasına 100 milliard teñgeden astam qarjı tüsedi", – dedi prem'er-Ministrdiñ orınbasarı.

“The Qazaq Times”