Foto: nytimes.com

AQŞ-tıñ Bas Prokurorı Djeff Sessions Resey Ükimetiniñ Prezident saylauı kezinde Donal'd Trampqa qoldau körsetkeni turalı iske qatıstı tergeuşilerdiñ swrağına jauap berdi. Amerikanıñ Ädilet Departamenti tergeudiñ barısı turalı aqparat bergen joq. Degenmen Djeff Sessions Donal'd Tramptıñ jaqın keñesşileriniñ biri bolğan jäne onıñ Reseymen baylanıstarı Robert Myuller bastağan zertteu tobında  küdikter tuındattı. Bwl turalı AFP aqparattıq agenttigi jazdı. 

Qolda bar derekter boyınşa, Djeff Sessions AQŞ Prezidentiniñ saylaualdı nauqanı kezinde Resey diplomatı Sergey Kislyakpen kezdesken. Ol sonday-aq sırtqı sayasat jönindegi keñesşiler tobın basqarğan. Olardıñ qatarında Resey Prezidenti Vladimir Putin men Donal'd Tramptıñ kezdesuin wyımdastırmaq bolğan Djordj Papadopolus ta bar.

Robert Myullerdiñ zertteu tobınıñ qızığuşılığın tağı bir jayt - Bas Prokurordıñ Donal'd Tramptıñ Prezident saylauına Reseydiñ qatısın anıqtauğa arnalğan zertteu isine tosqauıl qoyu operaciyalarınan habardar boluı. Mäselen, Djeff Sessions Federaldı barlau qızmetiniñ bwrınğı basşısı Djeyms Komidiñ Tramp pen Resey baylanısı boyınşa tergeuge tartılğanı üşin, jwmıstan bosatıluına tikeley aralasqan.

“The Qazaq Times”