Foto: politpuzzle.ru

Türkiyanıñ Süriyadağı kürd jasaqtarına qarsı äskeri operaciyası barısında üş türik soldatı qaza taptı.  Soğıs alañında mert bolğan azamattardıñ biriniñ  Ankarada ötken jerleu räsiminde Türkiyanıñ Prem'er-ministri Binali Yıldırım äskeri operaciyanıñ soñğı "terrorıñ" (Türkiya Süriyadağı kürd jasaqtarın "terroristik wyımdar" qatarına qosqan) közi joyılğanşa jalğasatının, al Redjep Tayıp Erdoğan onıñ jeñispen ayaqtalarına kümänsiz senetinin mälimdedi. Kürd jasaqtarımen birge öñirdegi "Islam memleketi" lañkestik wyımına qarsı küres jürgizip kelgen, bir kezderi olardı qarulandırğan AQŞ Türkiya bastağan äskeri operaciya  Süriyadağı azamattıq soğıs örtin qayta twtandıradı dep qauiptenedi. Bwl turalı AFP aqparattıq agenttigi jazdı. 

AQŞ-tıñ Qorğanıs ministri Djim Mettis "Türkiyanıñ äskeri qimıldarı Süriyadağı "Islam memleketi" siyaqtı lañkestik wyımdar men terroristik toptarğa qarsı küreske kedergi keltiredi" dep, Ankarağa eskertu jasadı. Europa Odağı men Franciya memleketi de AQŞ-tıñ alañdauşılığına qosılatının bildirdi. Resmi Ankara Süriyadağı kürd jasaqtarınıñ Türkiyada ondağan jıldar boyı qarsılıqtar wyımdastırıp, mıñdağan adamnıñ ölimine sebepker bolğan Kürdistan jwmısşılar partiyasımen tığız baylanısı barın aytıp, öz şeşiminiñ özektiligin atap ötti.

Adam qwqıqtarı jönindegi The Observatory wyımınıñ habarlauınşa, Türkiya tarapınan 43 äsker soğıs alañında jan tapsırıp, kürd jasaqtarı 38 adamınan ayırılğan. Bayandamada tağı 28 beybit twrğınnıñ ölimi turalı aytıladı. Degenmen Türkiya öziniñ tek kürd äskerin ğana nısanağa alğanın aytıp, qatardağı twrğındardıñ qazasın moyındamay otır.

Anadolı aqparattıq agenttigi Türkiyanıñ şekaradan Süriyanıñ işki öñirine qaray kirgenin, Afrin aymağındağı birneşe auıldardı basıp alğanın jazdı. Sonday-aq soñğı eki kün işinde Süriya jaqtan atılğan zımıran kesirinen Türkiyanıñ şekarada ornalasqan auılında eki beybit twrğınnıñ qaza tapqanı belgili boldı.

Türkiyanıñ Sırtqı İster ministri Mevlyut Çavuşoğlı särsenbi küni Redjep Tayıp Erdoğan men Donal'd Tramptıñ telefon arqılı söylesetinin habarladı. Qos el basşısı äskeri operaciyanıñ barısın talqılaydı dep kütilude. Osığan deyin Türkiya basşılığı Resey äsker operaciyanı qoldağanın aytqan edi.  Mäskeu däl osı habarlamanı resmi rastağan joq. Degenmen birqatar sarapşılar "Türkiya Reseydiñ kelisiminsiz mwnday ülken qadamğa barmas edi" degen pikir bildirdi.

“The Qazaq Times”