Foto: kaz.vesti.kz

Dzyudodan Olimpiada oyındarınıñ kümis jüldegeri jäne älem çempionı Eldos Smetov Halıqaralıq dzyudo federaciyasınıñ tizgen jaña reytingi boyınşa 60 keli salmaqta köş bastadı, dep süyinşi swraydı Vesti.kz.

Halıqaralıq dzyudo federaciyası 2017 jılğı birinşi älemdik reyting tizimin 23 qañtar küni jariyaladı. Sol tizim boyınşa tarazdıq oğlanımız 1852 wpay jinap, reytingtiñ köşin bastap twr. Ekinşi orında özbek öreni Diorbek Orazov. Onıñ enşisinde 1772 wpay. Ötken jılı 60 keli salmaqta älemdik reytingke birinşi orında twrğan äzirbayjan dzyudoşısı Orzan Safarov jañartılğan tizimde üşinşi orınğa tüsip qalıptı. Orhan Ilhamwlınıñ qorjınında da 1772 wpay bar.

60 keli salmaqtağı älemniñ üzdik degen dzyudoşılarınıñ qatarında tağı bir otandasımız bar. Ol - Rustam Ibraev. Aqtöbelik dzyudoşımız 1010 wpaymen, 14 orınğa jayğasıptı.

66 kelide korey jigiti An Ba Ul birinşi orında keledi. Olimpiada oyındarınıñ kümis jüldegerinde 2840 wpay. Ekinşi orında Davadorjiyn Tumurhuleh (1920 wpay) twrsa, üşinşi orınğa Rioda ötken Olimpiada oyındarınıñ çempionı italiyalıq Fabio Bazile (1702 wpay) jayğasqan. Bwl salmaqta öner körsetetin otandasımız Azamat Mwqanov 11 orında keledi. 29 jastağı dzyudoşımızda 976 wpay bar.

73 keli salmaqta Olimpiada oyındarınıñ qola jüldegeri, äzirbayjandıq Rustam Orudjov (2950 wpay) köş bastasa, japon jigiti Soiçi Haşimoto (1931 wpay) ekinşi orında, ekinşi bir japon dzyudoşısı, Olimpiada oyındarınıñ çempionı Ono Sehey (1900 wpay) üzdik üştikti tüyindep twr. Bwl salmaqta Olimpiada oyındarında bağın sınağan jas örenimiz Didar Hamza 636 wpaymen tizimniñ 29 satısında keledi.

81 keli salmaqta üzdikterdiñ qatarında bizdiñ baluandar joq. Atalğan salmaqta japon dzyudoşısı Takanori Nagaşe (2301 wpay) birinşi, Hasan Halmurzaev (Resey - 2000 wpay) ekinşi, Treves Stivens (AQŞ - 1859 wpay) üşinşi orında.
Ökinişke qaray, 90 keli salmaqtıñ üzdikter tiziminde de bizdiñ dzyudoşılar joq. Bwl salmaqta Masyu Beyker (Japoniya – 2680 wpay) birinşi, Markus Niman (Şveciya - 2181 wpay) ekinşi, Varlam Liparteliani (Gruziya - 1991 wpay) üşinşi orındarğa ornalasqan.

100 kelige deyingi dzyudoşılar reytinginde otandasımız Maksim Rakov bar. Ol 710 wpaymen, 24 orında. Auır salmaqtağı dzyudoşılardıñ köşin Elmar Gasimov (Äzirbayjan - 2490 wpay) bastap twr. Ekinşi orında Siril' Mare (Franciya - 2203 wpay) jayğassa, çeh jigiti Lukaş Krpalek 2172 wpaymen üşinşi satıda.

Auır salmaqtağı dzyudoşımız Erjan Şınkeev te 24-orında. Onıñ enşisinde 743 wpay bar eken.

Bwl salmaqqa älemniñ toğız dürkin çempionı, eki ret Olimpiada şıñın bağındırğan francuz dzyudoşısı Teddi Rinerge teñ keler eşkim bolmay twr. 27 jastağı sportşı 2800 wpaymen jeke-dara köş basında keledi. Ekinşi orında twrğan Hisaeşi Harasava Rinerden 620 wpay artta. Üşinşi twrğan Danieel' Natyada 2140 wpay bar.

“The Qazaq Times”