ەلدوس سمەتوۆ الەمدىك رەيتينگتىڭ كوشىن باستادى

دزيۋدودان وليمپيادا ويىندارىنىڭ كۇمىس جۇلدەگەرى جانە الەم چەمپيونى ەلدوس سمەتوۆ حالىقارالىق دزيۋدو فەدەراتسياسىنىڭ تىزگەن جاڭا رەيتينگى بويىنشا 60 كەلى سالماقتا كوش باستادى، دەپ ءسۇيىنشى سۇرايدى Vesti.kz.

حالىقارالىق دزيۋدو فەدەراتسياسى 2017 جىلعى ءبىرىنشى الەمدىك رەيتينگ ءتىزىمىن 23 قاڭتار كۇنى جاريالادى. سول ءتىزىم بويىنشا تارازدىق وعلانىمىز 1852 ۇپاي جيناپ، رەيتينگتىڭ كوشىن باستاپ تۇر. ەكىنشى ورىندا وزبەك ورەنى ديوربەك ورازوۆ. ونىڭ ەنشىسىندە 1772 ۇپاي. وتكەن جىلى 60 كەلى سالماقتا الەمدىك رەيتينگكە ءبىرىنشى ورىندا تۇرعان ءازىربايجان دزيۋدوشىسى ورزان سافاروۆ جاڭارتىلعان تىزىمدە ءۇشىنشى ورىنعا ءتۇسىپ قالىپتى. ورحان يلحامۇلىنىڭ قورجىنىندا دا 1772 ۇپاي بار.

60 كەلى سالماقتاعى الەمنىڭ ۇزدىك دەگەن دزيۋدوشىلارىنىڭ قاتارىندا تاعى ءبىر وتانداسىمىز بار. ول - رۋستام يبراەۆ. اقتوبەلىك دزيۋدوشىمىز 1010 ۇپايمەن، 14 ورىنعا جايعاسىپتى.

66 كەلىدە كورەي جىگىتى ان با ۋل ءبىرىنشى ورىندا كەلەدى. وليمپيادا ويىندارىنىڭ كۇمىس جۇلدەگەرىندە 2840 ۇپاي. ەكىنشى ورىندا داۆادورجين تۋمۋرحۋلەح (1920 ۇپاي) تۇرسا، ءۇشىنشى ورىنعا ريودا وتكەن وليمپيادا ويىندارىنىڭ چەمپيونى يتاليالىق فابيو بازيلە (1702 ۇپاي) جايعاسقان. بۇل سالماقتا ونەر كورسەتەتىن وتانداسىمىز ازامات مۇقانوۆ 11 ورىندا كەلەدى. 29 جاستاعى دزيۋدوشىمىزدا 976 ۇپاي بار.

73 كەلى سالماقتا وليمپيادا ويىندارىنىڭ قولا جۇلدەگەرى، ازىربايجاندىق رۋستام ورۋدجوۆ (2950 ۇپاي) كوش باستاسا، جاپون جىگىتى سويچي حاشيموتو (1931 ۇپاي) ەكىنشى ورىندا، ەكىنشى ءبىر جاپون دزيۋدوشىسى، وليمپيادا ويىندارىنىڭ چەمپيونى ونو سەحەي (1900 ۇپاي) ۇزدىك ۇشتىكتى تۇيىندەپ تۇر. بۇل سالماقتا وليمپيادا ويىندارىندا باعىن سىناعان جاس ورەنىمىز ديدار حامزا 636 ۇپايمەن ءتىزىمنىڭ 29 ساتىسىندا كەلەدى.

81 كەلى سالماقتا ۇزدىكتەردىڭ قاتارىندا ءبىزدىڭ بالۋاندار جوق. اتالعان سالماقتا جاپون دزيۋدوشىسى تاكانوري ناگاشە (2301 ۇپاي) ءبىرىنشى، حاسان حالمۋرزاەۆ (رەسەي - 2000 ۇپاي) ەكىنشى، ترەۆەس ستيۆەنس (اقش - 1859 ۇپاي) ءۇشىنشى ورىندا.
وكىنىشكە قاراي، 90 كەلى سالماقتىڭ ۇزدىكتەر تىزىمىندە دە ءبىزدىڭ دزيۋدوشىلار جوق. بۇل سالماقتا ماسيۋ بەيكەر (جاپونيا – 2680 ۇپاي) ءبىرىنشى، ماركۋس نيمان (شۆەتسيا - 2181 ۇپاي) ەكىنشى، ۆارلام ليپارتەلياني (گرۋزيا - 1991 ۇپاي) ءۇشىنشى ورىندارعا ورنالاسقان.

100 كەلىگە دەيىنگى دزيۋدوشىلار رەيتينگىندە وتانداسىمىز ماكسيم راكوۆ بار. ول 710 ۇپايمەن، 24 ورىندا. اۋىر سالماقتاعى دزيۋدوشىلاردىڭ كوشىن ەلمار گاسيموۆ ء(ازىربايجان - 2490 ۇپاي) باستاپ تۇر. ەكىنشى ورىندا سيريل مارە (فرانتسيا - 2203 ۇپاي) جايعاسسا، چەح جىگىتى لۋكاش كرپالەك 2172 ۇپايمەن ءۇشىنشى ساتىدا.

اۋىر سالماقتاعى دزيۋدوشىمىز ەرجان شىنكەەۆ تە 24-ورىندا. ونىڭ ەنشىسىندە 743 ۇپاي بار ەكەن.

بۇل سالماققا الەمنىڭ توعىز دۇركىن چەمپيونى، ەكى رەت وليمپيادا شىڭىن باعىندىرعان فرانتسۋز دزيۋدوشىسى تەددي رينەرگە تەڭ كەلەر ەشكىم بولماي تۇر. 27 جاستاعى سپورتشى 2800 ۇپايمەن جەكە-دارا كوش باسىندا كەلەدى. ەكىنشى ورىندا تۇرعان حيساەشي حاراساۆا رينەردەن 620 ۇپاي ارتتا. ءۇشىنشى تۇرعان دانيەەل ناتيادا 2140 ۇپاي بار.

“The Qazaq Times”