Foto: Amazon

Donal'd Tramp äkimşiliginiñ şamına tietin derekterge tolı Maykl Vol'ftıñ "Fire and Fury: Inside the Trump White House" (Ört pen ıza: Tramp Aq üyiniñ işinde) kitabı satılımğa seysenbi küni tüsui kerek bolğan. Biraq bwl  Aq üy qızmetkerleriniñ aralasuımen  jwmağa deyin şegerildi. Däl osınday mälimdeme jasağan kitap avtorınıñ sözinşe, ol Donal'd Tramp qorğauşılarınıñ tarapınan ülken qarsılıqqa wşırağan. Olar kitapta jalğan aqparat köp ekenin jäne köp pikirlerdiñ şınayılığı kümän tudıratının  aytadı. 

Maykl Vol'f öziniñ tvitter paraqşasında: "Erteñnen bastap, kitaptardı satıp aluğa boladı. Raqmet sizge, Prezident mırza!", - dep jazdı. Eki jüzge juıq swhbat qamtılğan kitap Donal'd Tramptıñ Prezident bolıp saylanğan sätinen bügingi uaqıtqa deyingi memleket basşısı men onıñ jaqındarınıñ ärtürli äreketteri men aytqan sözderin "äşkereleydi". Tömende kitapqa engen, birden qızu pikirtalas tudırğan birneşe twjırımdı nazarlarıñızğa wsınamız:

  • Donal'd Tramptıñ özi de, onıñ tobı da Prezident saylauında jeñiske jetkenine tañ qalğan. Kitapta jañadan saylanğan memleket basşısınıñ tañdanğan qalpındağı fotosureti qosa berilgen.
  • Ivanka Tramp pen küyeu balası Jared Kuşnerdiñ birlesken josparı boyınşa, Donal'd Tramptıñ qızı Amerikanıñ birinşi äyel Prezidenti boluı tiis.
  • Donal'd Trampqa öziniñ inauguraciyası wnamağan.
  • Amerikadağı media magnat Rubert Merdok Donal'd Tramptı "aqımaq" dep atağan, al qazirgi Prezident onı erekşe qwrmettep, wlı adam sanaydı.
  • Aq üydiñ bwrınğı qızmetkeri Sitv Bennon Donal'd Tramptıñ wlınıñ Resey ökilderimen kezdesuin "satqındıq" dep bağalağan.
  • Donal'd Tramptıñ bas keñesşisi Jared Kuşner Prezident sayasatındağı eñ negizgi üş basım bağıttı körsetu turalı saualğa jauap bere almağan.

VVS-diñ Soltüstik Amerikadağı tilşisi Djon Sopel' Maykl Vol'ftıñ kitabına "Eger bwl kitapta aytılğandardıñ tım bolmasa jartısı şındıq bolsa, onda şığarma aqılınan adasqan Prezident pen beybereketsizdik ornağan Aq üy turalı" degen bağa berdi.

Washington Post basılımında jarıq körgen resmi mälimdemede Donal'd Tramptıñ qorğauşıları kitap avtorınan şığarmanıñ taralımın dereu toqtatuğa şaqıradı. Eskertu orındalmağan jağdayda, Prezidenttiñ qorğauşıları kitapta jalğan twjırımdar men däleldenbegen ayıptaular köp ekenin eskerip, avtorğa qarsı "jala jabu, jalğan qaralau" bağıtı boyınşa is qozğauğa şağım tüsire aladı.

“The Qazaq Times”