Älem aqparat közderi AQŞ pen Palestina mäselesine qanday bağa berdi?

Donal'd Tramptıñ Ierusalimdi  Izrail' astanası dep moyındauınan keyin AQŞ pen Palestina qatınasınan tınış ketti. Osıdan keyin Palestina jağı AQŞ-tağı öz elşiligin qaytaru turalı şeşimi ot üstine may qwyğanmen birdey boldı. Al, AQŞ prezidentiniñ 2 qañtar küni äleumettik jelidegi paraqşasında Palestinanıñ äreketterin sınğa alıp, osığan deyin AQŞ-tıñ  Palestinağa bağıttağan kömek qarajatı men qoldauların toqtatatının aytqan edi.

Orta-Şığıs elderiniñ aqparat qwraldarı jasağan saraptamada,  «Tramptıñ bwl sözderi Palestinağa körsetken qırı» dep bağalağan. Onda jäne Tramp osı arqılı Palestinanı AQŞ-tıñ Orta-Şığıstağı sayasatın moyındauğa mäjbürleu ekeni aytılğan.

Al, Franciya aqparat agenttiginiñ 3 qañtardağı habarına qarağanda, Palestina jaq Tramptıñ bwl äreketterine jauap qaytarıp: «Ierusalim – bağa jetpes baylıq. Onı eşkim qanşa aqşa berse de satıp ala almaydı», – degen.

Palestina azattıq qozğalıs wyımınıñ müşesi Hanan Aşrauidıñ pikirinşe, Tramptıñ wstanımı Tayau-Şığıs beybitşilgi üşin asa qauipti bwzğınşılıq. Palestina AQŞ-tıñ jasağan qwqay körsetuinen imenbeydi.

Palestinadağı «Ierusalim» basılımı «Tramptıñ körsetken qısımı, sayasi twrğıda orınsız äreket. Sebebi, onda AQŞ-tıñ tek Izrail' müddesin ğana küytteytinin anıq bayqauğa boladı» dep jazğan.

Mısır «Al Akhbar» basılımınıñ habarında, «Tramptıñ äreketi birqatar qaqtığıstardı tudırdı. Aytalıq, Tramptıñ Ierusalim şeşimi jariyalanğannan keyin, narazılıq şerulerinde 14 palestinalıq Izrail' qauipsizdik qızmetkerlerimen qaqtığıs kezinde oqqa wştı.

Qıtaydıñ «Şinhua» aqparat agenttiginiñ atalğan taqırıptağı habarında «AQŞ-Palestina qarım-qatınası salqınday bastağan orayda, Izrail' jağı Irusalimdı baqılauğa aludı küşeyte tüsti» delingen.

Tanımal «The New York Times» basılımınıñ mälimdeuinşe, Izrail' parlamentiniñ 2 qañtardağı otırısında qabıldanğan şeşim boyınşa, Izrail' ükimetiniñ aldağı uaqıtta Ierusalimge qatıstı är qanday bir sayasi qadamdarı Parlamenttik dauıs beru kezinde parlament müşeleriniñ üşten eki böleginen köbirek qoldauğa ie boluı kerek dep belgilendi. Bwl osıdan bwrın parlament müşeleriniñ jartısınan asa dauıs beruimen qoldau tabatın edi.

Sarapşılardıñ pikirine süyensek, bolaşaqta qandayda bir partiya nemese wyımnıñ Izrail' ükimetimen beybit kelisimder jasau kezinde  Ierusalim mäselesinde bwrın-soñdı bolmağan qiınşılıqqa wşıraytın bolmaq.

Alğıs Serikwlı

“The Qazaq Times”