Foto: TASS

Oppoziciya köşbasşısı Aleksey Naval'nıy Reseyde 2018 jıldıñ naurızında ötetin prezidenttik saylauda qazirgi memleket basşısı Vladimir Putinge qarsı twruğa jetkilikti mölşerde kandidat jinap ülgergenin habarladı. Ol jemqorlıq faktisi boyınşa tağılğan ayıptaularğa säykes, Prezident saylauına qatısudan şettetilgen bolatın. Oppoziciya onı saylauğa qatıstırmau sayasi motivterge negizdelgen şeşim ekenine senimdi. Bwl turalı VVS aqparattıq agenttigi jazdı. 

Aleksey Naval'nıydıñ qoldauşıları Reseydiñ 20 qalasında kezdesuler ötkizip, dauıs beruşilerdiñ qolın jinadı. Mäskeude bolğan jiında ol Vladimir Putindi "Jaman Prezident" dep atadı. Sonday-aq, öz jaqtastarına memleket saylauğa qatısuğa rwqsat bermese, eldegi eñ mañızdı demokratiyalıq oqiğağa boykot jariyalaytının aytqan Aleksey Naval'nıy osığan deyin VVS Hardtalk-ke bergen swhbatında eşqanday kedergige qaramastan, soñına deyin küresetinin habarlağan bolatın.

Mäskeude ondağan azamattardıñ "Reseyge bostandıq kerek!", "Putin-wrı" degen wrandarmen ötken şerui "Radio Svobodanıñ" Facebook-tağı tikeley efiri arqılı körsetildi. Policiya bwl şaranı zañsız dep tapqanımen, qatısuşılardıñ eşbiri twtqındalğan joq.

Bir ğana Mäskeudiñ özinen Aleksey Naval'nıy 500-ge juıq dauıs jinadı. Ol halıqtıñ aldına şığıp söylegen sözinde Vladimir Putin barlığı oylağanday, Reseyde ülken qoldauğa ie emestigin jetkizip, eger oğan negizgi aqparat qwraldarı arqılı saylaualdı kampaniyasın jürgizuge rwqsat berse, sözsiz jeñiske jetetinin mälimdedi.

Aleksey Naval'nıydıñ strategiyası boyınşa, mwnday basqosular men halıqtıq kezdesuler resmi bilikti onı aldağı prezidenttik saylauğa kandidat esebinde tirkeuge mäjbürleydi. Ortalıq saylau kommissiyasına qwjattarın ötkizgen Oppoziciya basşısı öziniñ tirkelgeni ne saylauğa qatıspaytını turalı jauaptı jaña jılğa deyin birneşe künniñ işinde alatını habarlandı.

Aleksey Naval'nıy biıl öziniñ törtinşi Prezidenttik merzimine ayaq basqalı otırğan Vladimir Putinge qarsılas boluğa layıqtı jalğız kandidat esebinde bağalanadı. Prezident saylauına qatısatını jöninde mälimdegen Kseniya Sobçaktı Naval'nıy "Kreml'diñ qoldan jasağan kandidatı" dep atağan bolatın.

“The Qazaq Times”