Foto: Reuters

Birikken Wlttar Wyımınıñ Qauipsizdik keñesi 22 jeltoqsan küni Soltüstik Koreyağa qarsı jaña sankciyanı maqwldadı. Rezolyuciya eldiñ ballistikalıq zımırandardı üzdiksiz wşıruına qarsı jauap retinde qabıldanıp otır.

Rezolyuciya boyınşa, 2018 jıldıñ 1 qañtarınan bastap Soltüstik Koreyağa şetten jılına 2 mln emes, tek 500 mıñ barrel' janar-jağarmay jetkiziledi.

Sonday-aq, atalğan elge azıq-tülik önimderin, auıl şaruaşılıq önimderin, kölik, elektr qwrılğıların jetkizuge tıyım salınadı. Bwdan bölek Pioñyañğa (Phen'yan) önerkäsip qwraldarı, kölik qwraldarı, temir, bolat jäne basqa da metaldar jetkizu toqtatıladı.

Al şetelde jwmıs isteytin Soltüstik Koreya azamattarı bir jıl işinde elge oraluı tiis. Tipti 16 jeke twlğağa qatıstı viza şekteui qoyılıp, olardıñ basqa elderdegi mülkine tosqauıl qoyıldı.

BWW Qauipsizdik keñesi Soltüstik Koreyağa qarsı sankciyanı qatañdatu turalı rezolyuciyanı 11 qırküyekte qabıldağan. Bwl şekteuler mwnay men mwnay önimderiniñ eksportımen qosa gaz swyıqtıqtarı men toqıma önimderiniñ tasımalına äser etti.

“The Qazaq Times”