فوتو: Reuters

بىرىككەن ۇلتتار ۇيىمىنىڭ قاۋىپسىزدىك كەڭەسى 22 جەلتوقسان كۇنى سولتۇستىك كورەياعا قارسى جاڭا سانكتسيانى ماقۇلدادى. رەزوليۋتسيا ەلدىڭ بالليستيكالىق زىمىرانداردى ۇزدىكسىز ۇشىرۋىنا قارسى جاۋاپ رەتىندە قابىلدانىپ وتىر.

رەزوليۋتسيا بويىنشا، 2018 جىلدىڭ 1 قاڭتارىنان باستاپ سولتۇستىك كورەياعا شەتتەن جىلىنا 2 ملن ەمەس، تەك 500 مىڭ باررەل جانار-جاعارماي جەتكىزىلەدى.

سونداي-اق، اتالعان ەلگە ازىق-تۇلىك ونىمدەرىن، اۋىل شارۋاشىلىق ونىمدەرىن، كولىك، ەلەكتر قۇرىلعىلارىن جەتكىزۋگە تىيىم سالىنادى. بۇدان بولەك پيوڭياڭعا (پحەنيان) ونەركاسىپ قۇرالدارى، كولىك قۇرالدارى، تەمىر، بولات جانە باسقا دا مەتالدار جەتكىزۋ توقتاتىلادى.

ال شەتەلدە جۇمىس ىستەيتىن سولتۇستىك كورەيا ازاماتتارى ءبىر جىل ىشىندە ەلگە ورالۋى ءتيىس. ءتىپتى 16 جەكە تۇلعاعا قاتىستى ۆيزا شەكتەۋى قويىلىپ، ولاردىڭ باسقا ەلدەردەگى مۇلكىنە توسقاۋىل قويىلدى.

بۇۇ قاۋىپسىزدىك كەڭەسى سولتۇستىك كورەياعا قارسى سانكتسيانى قاتاڭداتۋ تۋرالى رەزوليۋتسيانى 11 قىركۇيەكتە قابىلداعان. بۇل شەكتەۋلەر مۇناي مەن مۇناي ونىمدەرىنىڭ ەكسپورتىمەن قوسا گاز سۇيىقتىقتارى مەن توقىما ونىمدەرىنىڭ تاسىمالىنا اسەر ەتتى.

“The Qazaq Times”