Photo: reuters.com

Amerikalıq Bank of New York Mellon sot isine baylanıstı Qazaqstan Wlttıq qorınıñ 22 mlrd dollarına bwğat qoydı. Bwl turalı Reuters agenttigi habarlap otır. 

Basılım basqa derekközderge silteme jasap, Wlttıq qor qarjısınıñ bwğattaluına moldovalıq biznesmen Anatoliy Statidiñ arızı sebep bolğanın mälimdep otır.

Qazirgi uaqıtta Qazaqstannıñ Wlttıq banki  BNY Mellon-ğa qarsı şağım tüsirgen. Al bwl isti qarau beysenbi küni Londonda ötedi. Biraq moldovalıq biznesmenniñ ne üşin arız bergeni äzirge belgisiz.

Ayta keteyik, QR Qarjı ministrliginiñ mälimetinşe, qazirgi kezde Wlttıq qor aktivi 57,3 mlrd dollardı qwraydı. Al Wlttıq banktiñ dereginşe, jıl basınan beri Wlttıq qordağı aktivterdiñ kölemi 61,2 mlrd dollardan 57 mlrd dollarğa deyin (1 jeltoqsandağı esep boyınşa) tömendegen.

“The Qazaq Times”