Foto: standard.co.uk

AQŞ-ta 40 mln adam nemese ärbir segizinşi amerikalıq kedeylikte ömir sürip jatır jäne bwl körsetkiş Prezident Donal'd Tramp jürgizip otırğan sayasatqa baylanıstı ösui mümkin. Mwnday mälimdemeni BWW-nıñ arnayı mälimdemeşisi Filip Olston aytqan.

"Qazirgi kezde amerikalıq arman birtindep illyuziyağa aynalıp baradı. Öytkeni älemniñ basqa bay elderimen salıstırğanda AQŞ twrğındarınıñ äleumettik statusın köteru mümkindigi mülde azayıp baradı", - dep mälimdegen Olston AQŞ-qa jasağan eki aptalıq saparınan keyin.

Biraq BWW sarapşısınıñ sözinşe, Amerika osığan qaramastan eñ bay, quattı, tehnologiya-innovaciyalıq elderdiñ qatarında qala beredi. Sebebi olardıñ tehnologiyası, baylığı, küş-quatı kedeylikte ömir sürip otırğan 40 mln adamğa kömektese almaydı.

Sonday-aq, ol AQŞ-tıñ Pezidenti jürgizip otırğan qazirgi sayasatqa baylanıstı eldegi kedeylik deñgeyi arta tüsui mümkin ekenin aytadı. Sarapşınıñ pikirinşe, Tramp äkimşiliginiñ salıqqa qatıstı jürgizip otırğan sayasatı saldarınan Amerikadağı kedey halıqtıñ 20%-ınıñ jağdayı odan sayın qiınday tüsui mümkin.

BWW Damu bağdarlaması wsınğan mälimetterge sensek, qazirgi kezde älem halqınıñ 10%-ı künine 2 dollardan artıq qarjı jwmsay almaydı eken.

Ayta keteyik, kedeylik deñgeyi Qazaqstanda da quantarlıq körsetkişke ie emes. 2016 jılı JİÖ ösimi bäseñdeui jäne naqtı jalaqınıñ azayuınan Qazaqstannıñ kedeylik deñgeyi 19,8 payızğa deyin wlğayğan bolatın. Al 2015 jılı bwl körsetkiş 19,5, 2014 jılı 16,1 payız bolğan.

“The Qazaq Times”