Oñtüstik Koreya qorğanıs ministri «Thaad» jüyesine qarsı pikirlerge jauap berdi

Oñtüstik Koreya «Ionhap» aqparattıq agenttiginiñ habarında, sol eldiñ qorğanıs ministri Han Minkiu mälimdeme jasap, «Sad» zımıranğa qarsı jüyesiniñ äskeri ister twrğısınan artilleriyalıq qaru sanalatının, körşi elder onı asıra bağalap otırğanın jetkizdi. Bwl Qıtay men Oñtüstik Koreya arasındağı eñ kürdeli qayşılıqtardıñ biri bolıp sanaladı. Jaqında Oñtüstik Koreya prezidenti Qıtayğa resmi saparın bastamaq. Qıtay aqparat qwraldarı Koreya qorğanıs ministriniñ atalğan pikirin jarısa taldauda. Bwl turalı «Şinlañ» aqparattıq saytı habarladı.

Parlamenttiñ maqwldauınsız «Sad» äue qorğanıs qwrılğısın ornatqan ükimettiñ şeşimine qarsı deputattarğa, bügin tüsten bwrın Oñtüstik Koreyanıñ qorğanıs ministri Han Minkiu jauap berdi. Ol sözinde: «Äskeri twrğıdan alğanda, «Thaad» artilleriyalıq qwral. Al, körşi elder bolsa «Sad» jüyesi turalı asıra aytıp, osı turalı daudıñ örşitti. Ükimetimiz işki qwqıqtıq mäselelerdi qarastırdı, sondıqtan Parlamenttiñ maqwldauın kütudiñ qajeti joq», – dedi.

Mälimdemeden keyin Han Minkiuden «Sad» jüyesiniñ tuğızatın ziyanı turalı swrağanda, ol: «AQŞ-tıñ äskeri qızmetkerleri atalğan jüyeniñ qorşağan ortağa äserin bağalaudı jäne basqa derekterdi model'deu sınaqtarın ötkizdi, onıñ ziyandılığın jiñişkelikpen bağalap şıqqan», – dep jauap berdi.

«Sad» jüyesiniñ ornatıluına Qıtaydıñ qarsılığı Oñtüstik Koreyanıñ Parlamenti men ükimeti arasında köp daulı pikirler tuğızdı. Qıtay «Sad» jüyesiniñ Korey tübegine ornatıluı Qıtaydıñ strategiyalıq qauipsizdigine qater töndiredi dep qaradı. Sonımen birge oppoziciyalıq partiyalardıñ da qarsı pikirin küşeytti. Osıdan bwrın Oñtüstik Koreya qorğanıs ministri: «Sad» jüyesin qoldanu men qoldanbaudı Oñtüstik Koreyanıñ özi şeşeşi, bwğan körşi memleketterdiñ aralasu qwqığı joq», – degen pikirin aytqan. Bwl Qıtay medialarınıñ küşti sınına wşırağan edi.

“The Qazaq Times”