Tillerson men Lavrov Venada kezdesti. Foto: RIA Novosti.

Avstriyanıñ astanası Venada ötken Europa Qauipsizdik jäne ıntımaqtastıq wyımınıñ 24-şi kezek ötkizilip otırğan ministrler jinalısı kezinde, Reseydiñ Sırtqı ister ministri Sergey Lavrov AQŞ memlekettik hatşısı Reks Tillersonmen kezdesti. Bwl turalı «Şinhuanıñ» resmi saytı jazdı.

AQŞ pen Resey arasında soñğı bir jılda şielenister uşığa tüsti. Eki eldiñ diplomatiyalıq dağdarısın sarapşılar «Qırği-qabaq soğısı» jıldarına teñegen bolatın. Sergey Lavrov pen Tillersonnıñ kezdesui kezinde eki el ortasında qordalanğan birqatar bastı mäseleler söz etildi. Onıñ işinde bir-biriniñ media qwraldarına jasağan şekteu isi jäne Süriya men Soltüstik Koreya taqırıbı da bar.

Kezdesuden keyin Resey SİM-i jazbaşa mälimdeme taratqan. Onda Resey jaq Korey tübegi mäselesin mañızdı kün tärtipke engizgeni, Soltüstik Koreyağa qarata AQŞ wstanımın asıra silteuşilik dep bağalağanı turalı aytılğan. Äri, AQŞ wstanımınan tuındağan dağdarıstar men wşqarı sözderdi maqwldamaytının jetkizgen.

Resey jaq sonımen birge Korey tübegi qayşılığın tek diplomatiyalıq joldarmen şeşu üşin jaña täsilder izdeu turalı wsınıs aytqan. Mälimdemede Mäskeu tarabı Soltüstik Koreya taqırıbı boyınşa AQŞ-pen kelissöz jürgizuge dayın ekenin de jetkizgen. Biraq atalğan jazbaşa habar mazmwnında Resey men AQŞ arasındağı negizgi şielenister men diplomatiyalıq dağdarıstar turalı örbigen sözderge orın berilmegen.

“The Qazaq Times”