Palestinalıqtar Tramptıñ şeşimine qarsılığın bildirude. Foto: AFP/GETTY IMAGES.

Qwrama Ştat Ierusalim qalasın Izrail' astanası dep tanığannan keyin AQŞ-tıñ odaqtas elderi de prezident Tramptı qatañ sınğa aldı. Al, Aq üy jaq vice-prezident Mayk Pens arqılı Palestina prezidentin beybitşilik kelisiminen bas tartpauğa şıqırdı. Osıdan bwrın Abbas öziniñ Mayk Penspen jeltoqsan ayınıñ soñında bolatın kelissözderin küşinen qaldıratının bildirgen edi. Uaşington jaq Abbastıñ bwl şeşimi beybitşilikti saqtauğa keri äser etetinin alğa tartuda. Ierusalim qayşılığın BBC-diñ resmi saytı saraptağan bolatın.

Tramptıñ şeşimi Qwrama Ştattıñ Tayau-Şığıs jäne Ierusalim qalasına qaratqan neşe on jıldan bergi wstanımın bütindey özgertti. Mayk Penspen bolatın dialogtı Palestinanıñ birqatar joğarı lauazımdıları küşinen qaldıratındarın jariya etken. Izrail' öz täuelsizdigin jariyalağannan tartıp, AQŞ prezidentteri näzik te, daulı Ierusalim mäselesin kelissöz arqılı şeşu principin wstanıp kelgen.

Palestina-Izrail' jerinde narazılıq şeruleri qaqtığısqa wlasuda. Habarğa qarağanda, Gaza sektorı mañında wyımdastırılğan narazılıq şeruinde Izrail' qarulıları palestinalıqtarğa jasauratqış gaz qoldanğan äri oq atqan. Demonstraciya qazirde jalğasuda, mälimetterge süyensek 31 palestinalıq jaraqat alğan. Palestinanıñ «Hamas» wyımı jaña qozğalıs bastağandarın jariyaladı. Izrail' qarulılarınıñ sanın barğan sayın köbeyte tüsude.

Qwrama Ştattıñ jaña şeşimine onıñ eñ jaqın odaqtas elderi de qarsılıq tanıtuda. Birqatar Batıs elderi men arab elderi narazılıq bildirip, BWW Qauipsizdik keñesiniñ jäne Arab ligasınıñ kezekten tıs otırısın ötkizip, AQŞ-tıñ şeşimine qarsılıq bildirmek.

Ierusalim Izrail' men Palestina arasındağı eñ bastı qayşılıqtıñ biri. Adamzat örkenieti men mädenietinde mañızı zor bwl qalada Semitterdiñ barlıq dinderiniñ tarihi qwndı jädigerleri men kieli orındarı bar. Iudeyler, hristiandar, mwsılmandar arasında Ierusalim üşin talas birneşe mıñ jılğa jalğasıp keledi. 1967 jılı Tayau-Şığıstağı soğıs kezinde Izrail' Ierusalim qalasınıñ şığısın basıp alğan. 1980 jıldan beri Izrail'diñ ortalıq qalası etuge qwlşınıp keledi. 1967 jıldan beri Izrail' Ierusalimnıñ şığısında ondağan eldi mekender salıp, 200 mıñ halıqtı qonıstandırğan.

“The Qazaq Times”