Foto: AFP

Gruziyanıñ bwrınğı basşısı Mihail Saakaşvili Kievte twtqındaldı. Bwl turalı aqparat äueli sayasatkerdiñ feysbuk paraqşasında jariyalanıp, keyinnen Ukrainanıñ Bas Prokurorımen rastaldı. Ol osıdan birneşe kün bwrın öz üyinde twtqındalğan jerinen öz qoldauşılarınıñ kömegimen policiyanıñ qolınan bosap ketken bolatın. Bwl turalı VVS aqparattıq agenttigi jazdı. 

Mihail Saakaşvili Ukrainanıñ bwrınğı Prezidenti Viktor YAnukoviçpen baylanısı bar qılmıstıq toptan qarjı alğan degen ayıppen jauapqa tartılmaq. Seysenbi küni öz üyinde policiyanıñ qolına tüsken onı qoldauğa jinalğan halıq ülken qarsılıq körsetip, bosatıp alğan edi. Osıdan keyin Ükimet Mihail Saakaşvilige qwqıq qorğau qızmetkerleriniñ qolına öz erkimen beriluge sağat bergen bolatın.

Reseymen astırtın baylanısı bar degen küdikpen abaqtığa jabılıp otırğan Mihail Saakaşvilige qarsı ayıptauşı prokurorlar onıñ kinäsin däleldeytin audio jäne beyne jazbalar bar ekenin aytadı. Ukraina Sotı Mihail Saakaşvilidi 5 jılğa deyin bas bostandığınan ayıruı nemese jemqorlıq isterine qatısı bar degen ayıppen izdeude jüruine baylanıstı,   Ukrainadan özi  10 jıl boyı Prezident qızmetinde bolğan Gruziyağa ekstradiciyalau turalı şeşim şığaruı mümkin.

“The Qazaq Times”