فوتو: AFP

گرۋزيانىڭ بۇرىنعى باسشىسى ميحايل سااكاشۆيلي كيەۆتە تۇتقىندالدى. بۇل تۋرالى اقپارات اۋەلى ساياساتكەردىڭ فەيسبۋك پاراقشاسىندا جاريالانىپ، كەيىننەن ۋكراينانىڭ باس پروكۋرورىمەن راستالدى. ول وسىدان بىرنەشە كۇن بۇرىن ءوز ۇيىندە تۇتقىندالعان جەرىنەن ءوز قولداۋشىلارىنىڭ كومەگىمەن پوليتسيانىڭ قولىنان بوساپ كەتكەن بولاتىن. بۇل تۋرالى ۆۆس اقپاراتتىق اگەنتتىگى جازدى. 

ميحايل سااكاشۆيلي ۋكراينانىڭ بۇرىنعى پرەزيدەنتى ۆيكتور يانۋكوۆيچپەن بايلانىسى بار قىلمىستىق توپتان قارجى العان دەگەن ايىپپەن جاۋاپقا تارتىلماق. سەيسەنبى كۇنى ءوز ۇيىندە پوليتسيانىڭ قولىنا تۇسكەن ونى قولداۋعا جينالعان حالىق ۇلكەن قارسىلىق كورسەتىپ، بوساتىپ العان ەدى. وسىدان كەيىن ۇكىمەت ميحايل سااكاشۆيليگە قۇقىق قورعاۋ قىزمەتكەرلەرىنىڭ قولىنا ءوز ەركىمەن بەرىلۋگە ساعات بەرگەن بولاتىن.

رەسەيمەن استىرتىن بايلانىسى بار دەگەن كۇدىكپەن اباقتىعا جابىلىپ وتىرعان ميحايل سااكاشۆيليگە قارسى ايىپتاۋشى پروكۋرورلار ونىڭ كىناسىن دالەلدەيتىن اۋديو جانە بەينە جازبالار بار ەكەنىن ايتادى. ۋكراينا سوتى ميحايل سااكاشۆيليدى 5 جىلعا دەيىن باس بوستاندىعىنان ايىرۋى نەمەسە جەمقورلىق ىستەرىنە قاتىسى بار دەگەن ايىپپەن ىزدەۋدە جۇرۋىنە بايلانىستى،   ۋكراينادان ءوزى  10 جىل بويى پرەزيدەنت قىزمەتىندە بولعان گرۋزياعا ەكستراديتسيالاۋ تۋرالى شەشىم شىعارۋى مۇمكىن.

“The Qazaq Times”