فوتو: اميتەل

جيتس-پەن (سپيد), تۋبەركۋلەزبەن جانە بەزگەكپەن كۇرەسۋ ءۇشىن جاھاندىق قورى «ايتۆ» (ۆيچ) كومپونەنتى بويىنشا قازاقستانعا 2018-2020  جىلدارعا  4,5 ملن اقش دوللار گرانتىن بولەدى. بۇل تۋرالى قر دەنساۋلىق ساقتاۋ مينيسترلىگىنىڭ رەسمي سايتىندا حابارلاندى.

"گرانتتىڭ ماقساتى - حالىقتىڭ وسال توپتارى مەن ايتۆ-مەن ءومىر سۇرەتىن ادامداردىڭ كۇتىم جانە كومەك قىزمەتتەرىنە قولجەتىمدىلىگىن ارتتىرۋ ءۇشىن الەۋمەتتىك كەلىسىم-شارت جۇيەسىن ينستيتۋتسيوناليزاتسيالاۋ ارقىلى قازاقستاندا ايتۆ-ينفەكتسياسىنىڭ تارالۋىنا تۇراقتى ۇلتتىق ىقپال جاساۋ", - دەلىنگەن ۆەدومستۆو حابارلاماسىندا.

گرانت قارجىلاندىرۋ مەحانيزمدەرىنىڭ نورماتيۆتىك-قۇقىقتىق بازاسىن نىعايتۋعا جانە نەگىزگى وسال توپتار اراسىندا ( ينەكتسيالىق ەسىرتكىنى تۇتىنۋشىلار، ەرلەرمەن جىنىستىق قاتىناسقا تۇسەتىن ەركەكتەر، سەكس-جۇمىسكەرلەر، ۇكىمەتتىك ەمەس ۇيىمدار ءۇشىن الەۋمەتتىك تاپسىرىستاردى ورىنداۋ سحەمالارىن قوسا العاندا) ايتۆ بويىنشا شارالاردى ىسكە اسىرۋعا باعىتتالاتىن بولادى. گرانت استانا، الماتى قالالارىندا جانە قاراعاندى وبلىستارىندا جۇزەگە اسىرىلادى.

پيلوتتىق ايماقتاردا گرانتتى جۇزەگە اسىرۋ ۇكىمەتتىك ەمەس سەكتور ارقىلى قوعامدىق ءتارتىپتى جۇزەگە اسىرۋ ارقىلى وسال توپتار اراسىندا الدىن-الۋ باعدارلامالارىنىڭ ءتيىمدى ۇلگىسىن جاساۋعا كومەكتەسەدى.

سونداي-اق،  مينيسترلىكتىڭ مالىمەتىنشە، بۇل مودەل بۇكىل ەل بويىنشا جۇزەگە اسىرىلاتىن بولادى، ول الدىن الۋ جۇمىستارى مەن نەگىزگى توپتارعا قولجەتىمدىلىكتى كۇشەيتەدى.

“The Qazaq Times”