ريم پاپاسى ميانما ساپارىندا ونداعى مۇسىلمان قىرعىنشىلىعىن ايىپتادى

كاتوليك الەمنىڭ رۋحاني كوسەمى ريم پاپاسى فرانتسيسك ميانماعا ساپارلاي بارىپ، سول ەلدىڭ باسشىلارىمەن كەزدەستى. ول ميانما باسشىسى اۋن سان سۋ چيمەن كەزدەسۋ كەزىندە روحيندجا مۇسىلماندارىنىڭ قىرعىنشىلىعىن ايىپتادى. بۇل تۋرالى «انادولى» اقپاراتتىق اگەنتتىگىنىڭ رەسمي سايتى حابارلادى.

پاپا فرانتسيسك ميانما ۇكىمەت باسشىلارىمەن بولعان يانگو قالاسىنداعى كەزدەسۋ كەزىندە: «ەل حالقى ازاماتتىق قاقتىعىستار مەن زۇلىمدىقتاردان زارداپ شەگۋدە. ميانمانى ءوزىنىڭ باسپاناسىنا بالاعان بارشانىڭ نەگىزگى قۇقىقتارىنا كەپىلدىك ەتۋ كەرەك»، – دەدى. ول اراكانداعى مۇسىلمانداردىڭ ەتنيكالىق اتاۋى روحيندجانى سوزىنە كىرىستىرە وتىرىپ: «ءاربىر ەتنيكالىق توپتاردىڭ ءبىر-ءبىرىنىڭ قۇقىعىنا قۇرمەت ەتۋى – ميانمانىڭ بەيبىت بولاشاعىنىڭ نەگىزگى كەپىلى»، – دەدى.

ريم پاپاسى ميانما باسشىلارىمەن كەزدەسۋدەن بۇرىن دا حريستيان، مۇسىلمان، بۋدديست، يۋدەي ءدىن وكىلدەرىمەن كەزدەسۋدە بولعان. ميانما ساپارىنىڭ بۇگىنگى (29 قاراشا سارسەنبى) كۇن تارتىبىندە ونداعى ءدىن وكىلدەرىمەن توپتىق ءدىني جينالىس وتكىزەدى. بەيسەنبى كۇنى بانگلادەشكە ساپارلاي بارادى.

ايتا كەتەيىك، ۇلىبريتانيانىڭ وكسفورد قالالىق كەڭەسى 20 جىل بۇرىن اۋن سان سۋ چيگە بەرگەن «قالانىڭ ەركىندىك» مەدالىن قايتارىپ الدى.

“The Qazaq Times”