Memleket basşısı «Atameken» wlttıq käsipkerler palatasınıñ basşılığın qabıldadı. Kezdesude Qazaqstan Prezidentine Wlttıq palatanıñ 2016 jılğı jwmısınıñ qorıtındıları, respublikalıq biznes qoğamdastığınıñ damuı, sonday-aq aldağı kezeñge arnalğan josparlar turalı prezidium törağası T.Qwlıbaev pen basqarma törağası A.Mırzahmetov bayandadı. Bwl turalı Aqordanıñ resmi saytı habarladı.

Elbası biznesti qoldau jöninde Ükimet maqsattı türde twraqtı jwmıs jürgizip otırğanın atap ötti.

– Zañnamalıq aktilerge der kezinde özgerister engizu bağıtında jüyeli jwmıstar jürgizilude, tekseruşi mekemeler sanı qısqartıldı, josparlı tekserister alınıp tastaldı. Käsipkerler zañnamalıq üderisterge belsene atsalısıp keledi, bwl eldiñ işki jalpı önimindegi biznestiñ ülesin arttıruğa ıqpal etuge tiis, – dedi Nwrswltan Nazarbaev.

Sonday-aq, Qazaqstan Prezidenti eldegi käsipkerlikti damıtu üşin memleket qabıldap jatqan şaralarğa biznes ökilderi tarapınan layıqtı qaytarım boluğa tiis ekenine nazar audardı.

– Memleket tarapınan körsetilgen qamqorlıq pen qoldauğa biznestiñ jauap beretin kezi keldi. Azamattardı käsipkerlik salasına twraqtı türde tartıp, el ekonomikasındağı olardıñ ülesin arttıru üşin jwmıs jürgizu qajet, – dedi Memleket basşısı.

Palata basşılığı qazirgi uaqıtta şağın jäne orta biznes ülesi işki jalpı önimniñ 25 payızın qwrap, onda 3 millionnan astam adam jwmıs istep jatqanın mälimdedi. 2016 jılı 11,2 trln teñgeniñ önimi öndirilgen, bwl – 2015 jılğı körsetkişpen salıstırğanda 6 payızğa artıq.

Sonımen birge, basqarma törağası Elbasınıñ tapsırması boyınşa rwqsat beru jäne baqılau-qadağalau salasında reviziyalıq jwmıs jürgizilip jatqanın atap ötti. Onıñ nätijesinde rwqsat beru qwjattarı aytarlıqtay azaytılıp, josparlı tekserister alınıp tastaldı.

– Bas prokuraturamen, Parlament deputattarımen birlesip, qazir şağın jäne orta biznes qızmetiniñ türli salasındağı sanitarlıq-epidemiologiyalıq talaptardı qayta qarastırudamız, – dedi A.Mırzahmetov.

Bwdan bölek, Wlttıq palata basşılığı otandıq käsipkerlerdiñ jwmısın oñtaylandıru jäne tiimdirek ete tüsu üşin mobildi qızmetter qalıptastıruğa qatıstı jürgizilip jatqan jwmıstar turalı bayandadı.

Nwrswltan Nazarbaev kezdesu qorıtındısı boyınşa birqatar naqtı tapsırma berdi.

"The Qazaq Times"