Foto: EPA

Iran Revolyuciyalıq gvardiyası qolbasşısınıñ orınbasarı osı uaqıtqa deyin memleket ballistikalıq zımırandardıñ qaşıqtığın  2 mıñ km-ge deyin şektep kelgenin, degenmen Europa qauip töndirgen jağdayda yadrolıq qaru äleuetin arttıratının jetkizdi. Juırda Franciya Prezidenti Emmanuel' Makron Irandı yadrolıq qaru boyınşa kelissözderge şaqırğan bolatın. Bwl turalı Äl-Jazira aqparattıq agenttigi jazdı. 

2015 jılı älemniñ alpauıt elderimen yadrolıq kelisimge kelgen Iran AQŞ tarapınan yadrolıq qarudan tolıqtay bas tartu turalı talaptı bwrınnan estip keledi. Iran yadrolıq qarudı damıtu öz qorğanısın qamtamasız etu maqsatında ğana ekenin mälimdegenimen, AQŞ oğan qarsı sankciyalar engizuin toqtatar emes.

General Hosseyn Salami: "Bi osı uaqıtqa deyin 2 mıñ km qaşıqtıqtı eñseretin zımırandarmen şektelip kelgenimiz tehnologiyalıq mümkindigimizdiñ jetpegendiginen emes. Bizdiñ äleuetimiz odan da mıqtı zımıran qwrastıruğa jetedi. Europa biz üşin qauipti ekenin sezingen küni biz yadrolıq qarudı damıtu bağıtın qayta qarastıramız", -dedi.

General-mayor Mwhammed Äli Jafari: "2 mıñ km-dıñ özi osı öñirdegi birqatar AQŞ-tıñ qızığuşılığı men müddesine kiretin nüktelerdi qamti aladı" dep astarlay söyledi. Esteriñizge sala keteyik, Saud Arabiyası men AQŞ Irandı Yemendegi Hauti basqınşıları Er-Riyadqa qarsı atqan ballistikalıq zımıran berdi dep ayıptağan bolatın. Iran öz kezeginde barlıq mälimdemeni  teriske şığardı. "Blokadada otırğan memleketke biz qalay qaru jetkizemiz? Biz Hauti basqınşılarına zımıran bergen joqpız. Eger, bizdiñ qaru tasımaldağanımız ras bolsa, ol Saud Arabiyasınıñ älsizdigin körsetedi", -dedi general.

“The Qazaq Times”