فوتو: EPA

يران رەۆوليۋتسيالىق گۆاردياسى قولباسشىسىنىڭ ورىنباسارى وسى ۋاقىتقا دەيىن مەملەكەت بالليستيكالىق زىمىرانداردىڭ قاشىقتىعىن  2 مىڭ كم-گە دەيىن شەكتەپ كەلگەنىن، دەگەنمەن ەۋروپا قاۋىپ توندىرگەن جاعدايدا يادرولىق قارۋ الەۋەتىن ارتتىراتىنىن جەتكىزدى. جۋىردا فرانتسيا پرەزيدەنتى ەممانۋەل ماكرون يراندى يادرولىق قارۋ بويىنشا كەلىسسوزدەرگە شاقىرعان بولاتىن. بۇل تۋرالى ءال-جازيرا اقپاراتتىق اگەنتتىگى جازدى. 

2015 جىلى الەمنىڭ الپاۋىت ەلدەرىمەن يادرولىق كەلىسىمگە كەلگەن يران اقش تاراپىنان يادرولىق قارۋدان تولىقتاي باس تارتۋ تۋرالى تالاپتى بۇرىننان ەستىپ كەلەدى. يران يادرولىق قارۋدى دامىتۋ ءوز قورعانىسىن قامتاماسىز ەتۋ ماقساتىندا عانا ەكەنىن مالىمدەگەنىمەن، اقش وعان قارسى سانكتسيالار ەنگىزۋىن توقتاتار ەمەس.

گەنەرال حوسسەين سالامي: ء"بى وسى ۋاقىتقا دەيىن 2 مىڭ كم قاشىقتىقتى ەڭسەرەتىن زىمىراندارمەن شەكتەلىپ كەلگەنىمىز تەحنولوگيالىق مۇمكىندىگىمىزدىڭ جەتپەگەندىگىنەن ەمەس. ءبىزدىڭ الەۋەتىمىز ودان دا مىقتى زىمىران قۇراستىرۋعا جەتەدى. ەۋروپا ءبىز ءۇشىن قاۋىپتى ەكەنىن سەزىنگەن كۇنى ءبىز يادرولىق قارۋدى دامىتۋ باعىتىن قايتا قاراستىرامىز", -دەدى.

گەنەرال-مايور مۇحاممەد ءالي جافاري: "2 مىڭ كم-دىڭ ءوزى وسى وڭىردەگى بىرقاتار اقش-تىڭ قىزىعۋشىلىعى مەن مۇددەسىنە كىرەتىن نۇكتەلەردى قامتي الادى" دەپ استارلاي سويلەدى. ەستەرىڭىزگە سالا كەتەيىك، ساۋد ارابياسى مەن اقش يراندى يەمەندەگى حاۋتي باسقىنشىلارى ەر-ريادقا قارسى اتقان بالليستيكالىق زىمىران بەردى دەپ ايىپتاعان بولاتىن. يران ءوز كەزەگىندە بارلىق مالىمدەمەنى  تەرىسكە شىعاردى. "بلوكادادا وتىرعان مەملەكەتكە ءبىز قالاي قارۋ جەتكىزەمىز؟ ءبىز حاۋتي باسقىنشىلارىنا زىمىران بەرگەن جوقپىز. ەگەر، ءبىزدىڭ قارۋ تاسىمالداعانىمىز راس بولسا، ول ساۋد ارابياسىنىڭ السىزدىگىن كورسەتەدى", -دەدى گەنەرال.

“The Qazaq Times”