Bitkoinmen tabıs tapqan 7 azamat

2017 jılı bitkoin bağası 960 dollardan 8 mıñ dollarğa deyin qımbattadı. Tiisinşe bitkoin qoldanuşılar aytarlıqtay mol qarajat tapqanı belgili. Jalpı bitkoin wstauşılardıñ köpşiligi jasırın twlğa retinde qaladı, al keybiri bitkoin qoldanuşısı ekenin özderi aytadı. Endeşe bitkoin arqılı tabısqa jetken azamattar turalı mälimetti nazarlarıñızğa wsınamız.

Egiz Uinklvosster

Egiz Tay­le­r jäne Keme­ron Uin­kl­vos­s turalı siz estimegen boluıñız mümkin. Olar Facebook kompaniyasında özderiniñ ülesteri bolğanın däleldegisi kelgen. Bwl turalı "Äleumettik jeli" fil'minde surettelgen. Osıdan keyin olardıñ jaña bastamaları kriptovalyuta boldı. Ekeui bit­ko­in-ETF-ğa tirkelmek bolğan. Olardıñ 2013 jılı bitkoinda salğan salımdarı 11 mln dolladı qwrağan. Bwl kezde Uin­kl­vos­ster jalpı aynalımdağı kriptovalyutanıñ 1 payızına ielik etken. Al qazir ekeuiniñ bitkoindağı qarjısı 21 esege ösip, 231 mln dollardı qwrap otır.

Barri Silbert

Sil­bert, ven­çur­lı kapitalist jäne Digital Currency Group kompaniyasınıñ negizin qalauşı. Ol 2014 jılı AQŞ-tıñ Marşal qızmeti wyımdastırğan aukcionda 48 mıñ bitokindi satıp aladı. Bwl kezde bir kriptavalyutanıñ birligi 350 dollar bolğan, al odan beri Sil'berstiñ ülesi şamamen 16 esege - 16,8 millionnan 268,8 million dollarğa deyin ösken.

Tim Dreyper, milliarder jäne vençurlı kapitalist 

Tim Dreyper. Foto: insider.pro

Drey­per milliarder äri vençurlı kapitalist, ol Skype-tağı  investiciyalardıñ biraz böligi arqılı tabıs tapqan. Ol 2014 jılı ükimettik aukcionda 30 mıñ bitkoin satıp aladı. Sol kezde ol satıp alğan bitkoinnıñ jalpı qwnı 19 million dollardı qwraydı, al qazir onıñ qwnı şamamen 171 million dollar.

Çarli Şrem, bitkoin satıp aluğa alğaş qatısuşılardıñ biri

Şrem osı jolda qiındıqqa tap bolğan adam. Käsipker bitkoin tabınuşılarınıñ biri jäne Bitcoin Foundation müşesi. Alayda kompaniya basşılarınıñ birneşeui tergeuge alınadı.  Al Şrem bolsa "qarajat jımqırdı" degen ayıppen eki jılğa bas bostandığınan ayrıladı. Qazir ol kriptotehnologiyalıq investiciyalarğa arnalğan startappen narıqqa qayta oraldı. Alayda onıñ qanşa bitkoinı bar ekeni belgili bolmasa da, elektrondı qarjısı birneşe million dollardı qwraytını anıq.

Toni Gallippi, top-menedjer 

Toni Gallippi. Foto: insider.pro

Gal­lip­pi - Bitpay kriptovalyuta kompaniyasınıñ basqarma basşısı jäne qwrıltayşısı. Ol da  bitokinniñ iri iegerleriniñ biri bolıp esepteledi. Gallip­pi öziniñ investiciya kölemi qanşa ekenin aşıp aytpaydı, biraq onıñ qolındağı bitkoinnıñ qwnı şamamen 20 million dollarğa bağalandı.

Satosi Nakamoto, bitkoin ideyasınıñ avtorı 

Nakamotonı kriptovalyuta ideyasınıñ jwmbaq avtorı deuge boladı. 2009 jılı ol kriptovalyutanıñ jwmıs isteu mehanizmin sipattaytın maqalasın jariyaladı, alayda keyinirek ol turalı naqtı aqparat bolmağan, tipti onıñ şın esimi kim ekeni de äli künge belgisiz. Biz Nakamotonıñ kim ekenin bilmesek te, onıñ köptegen bitkoinı bar ekeni anıq. Sebebi 2013 jılı bitokindı engizuşilerdiñ biri Nakamotoda şamamen 1 million bitkoin boluı mümkin degendi aytqan.

“The Qazaq Times”