بيتكوينمەن تابىس تاپقان ەگىز تاي­لە­ر پەن كەمە­رون ۋين­كل­ۆوس­س. فوتو: insider.pro

2017 جىلى بيتكوين باعاسى 960 دوللاردان 8 مىڭ دوللارعا دەيىن قىمباتتادى. تيىسىنشە بيتكوين قولدانۋشىلار ايتارلىقتاي مول قاراجات تاپقانى بەلگىلى. جالپى بيتكوين ۇستاۋشىلاردىڭ كوپشىلىگى جاسىرىن تۇلعا رەتىندە قالادى، ال كەيبىرى بيتكوين قولدانۋشىسى ەكەنىن وزدەرى ايتادى. ەندەشە بيتكوين ارقىلى تابىسقا جەتكەن ازاماتتار تۋرالى مالىمەتتى نازارلارىڭىزعا ۇسىنامىز.

ەگىز ۋينكلۆوسستەر

ەگىز تاي­لە­ر جانە كەمە­رون ۋين­كل­ۆوس­س تۋرالى ءسىز ەستىمەگەن بولۋىڭىز مۇمكىن. ولار Facebook كومپانياسىندا وزدەرىنىڭ ۇلەستەرى بولعانىن دالەلدەگىسى كەلگەن. بۇل تۋرالى "الەۋمەتتىك جەلى" فيلمىندە سۋرەتتەلگەن. وسىدان كەيىن ولاردىڭ جاڭا باستامالارى كريپتوۆاليۋتا بولدى. ەكەۋى بيت­كو­ين-ETF-عا تىركەلمەك بولعان. ولاردىڭ 2013 جىلى بيتكويندا سالعان سالىمدارى 11 ملن دوللادى قۇراعان. بۇل كەزدە ۋين­كل­ۆوس­ستەر جالپى اينالىمداعى كريپتوۆاليۋتانىڭ 1 پايىزىنا يەلىك ەتكەن. ال قازىر ەكەۋىنىڭ بيتكوينداعى قارجىسى 21 ەسەگە ءوسىپ، 231 ملن دوللاردى قۇراپ وتىر.

بارري سيلبەرت

سيل­بەرت، ۆەن­چۋر­لى كاپيتاليست جانە Digital Currency Group كومپانياسىنىڭ نەگىزىن قالاۋشى. ول 2014 جىلى اقش-تىڭ مارشال قىزمەتى ۇيىمداستىرعان اۋكتسيوندا 48 مىڭ بيتوكيندى ساتىپ الادى. بۇل كەزدە بىر كريپتاۆاليۋتانىڭ بىرلىگى 350 دوللار بولعان، ال ودان بەرى سيلبەرستىڭ ۇلەسى شامامەن 16 ەسەگە - 16,8 ميلليوننان 268,8 ميلليون دوللارعا دەيىن وسكەن.

تيم درەيپەر، ميللياردەر جانە ۆەنچۋرلى كاپيتاليست 

تيم درەيپەر. فوتو: insider.pro

درەي­پەر ميللياردەر ءارى ۆەنچۋرلى كاپيتاليست، ول Skype-تاعى  ينۆەستيتسيالاردىڭ ءبىراز بولىگى ارقىلى تابىس تاپقان. ول 2014 جىلى ۇكىمەتتىك اۋكتسيوندا 30 مىڭ بيتكوين ساتىپ الادى. سول كەزدە ول ساتىپ العان بيتكويننىڭ جالپى قۇنى 19 ميلليون دوللاردى قۇرايدى، ال قازىر ونىڭ قۇنى شامامەن 171 ميلليون دوللار.

چارلي شرەم، بيتكوين ساتىپ الۋعا العاش قاتىسۋشىلاردىڭ ءبىرى

شرەم وسى جولدا قيىندىققا تاپ بولعان ادام. كاسىپكەر بيتكوين تابىنۋشىلارىنىڭ ءبىرى جانە Bitcoin Foundation مۇشەسى. الايدا كومپانيا باسشىلارىنىڭ بىرنەشەۋى تەرگەۋگە الىنادى.  ال شرەم بولسا "قاراجات جىمقىردى" دەگەن ايىپپەن ەكى جىلعا باس بوستاندىعىنان ايرىلادى. قازىر ول كريپتوتەحنولوگيالىق ينۆەستيتسيالارعا ارنالعان ستارتاپپەن نارىققا قايتا ورالدى. الايدا ونىڭ قانشا بيتكوينى بار ەكەنى بەلگىلى بولماسا دا، ەلەكتروندى قارجىسى بىرنەشە ميلليون دوللاردى قۇرايتىنى انىق.

توني گالليپپي، توپ-مەنەدجەر 

توني گالليپپي. فوتو: insider.pro

گال­ليپ­پي - Bitpay كريپتوۆاليۋتا كومپانياسىنىڭ باسقارما باسشىسى جانە قۇرىلتايشىسى. ول دا  بيتوكيننىڭ ءىرى يەگەرلەرىنىڭ ءبىرى بولىپ ەسەپتەلەدى. گالليپ­پي ءوزىنىڭ ينۆەستيتسيا كولەمى قانشا ەكەنىن اشىپ ايتپايدى، بىراق ونىڭ قولىنداعى بيتكويننىڭ قۇنى شامامەن 20 ميلليون دوللارعا باعالاندى.

ساتوسي ناكاموتو، بيتكوين يدەياسىنىڭ اۆتورى 

ناكاموتونى كريپتوۆاليۋتا يدەياسىنىڭ جۇمباق اۆتورى دەۋگە بولادى. 2009 جىلى ول كريپتوۆاليۋتانىڭ جۇمىس ىستەۋ مەحانيزمىن سيپاتتايتىن ماقالاسىن جاريالادى، الايدا كەيىنىرەك ول تۋرالى ناقتى اقپارات بولماعان، ءتىپتى ونىڭ شىن ەسىمى كىم ەكەنى دە ءالى كۇنگە بەلگىسىز. ءبىز ناكاموتونىڭ كىم ەكەنىن بىلمەسەك تە، ونىڭ كوپتەگەن بيتكوينى بار ەكەنى انىق. سەبەبى 2013 جىلى بيتوكيندى ەنگىزۋشىلەردىڭ ءبىرى ناكاموتودا شامامەن 1 ميلليون بيتكوين بولۋى مۇمكىن دەگەندى ايتقان.

“The Qazaq Times”