Foto: APF

Yemendegi qazirgi Ükimetti qoldauşı Saud Arabiyası bastağan koaliciya BWW-nıñ eskertpelerinen keyin, gumanitarlıq kömek üşin äue, qwrlıq şekaraların aşuğa rwqsat berdi. Ötken aptada teñiz porttarınıñ jwmısı jandandı. Osığan deyin basqınşı toptardıñ Er-Riyadqa qarsı ballistikalıq zımıran qoldanğanı üşin, Saud Arabiyası Yemenge blokada ornatqan bolatın. 

Yemendegi Sana äuejayı men Hwdayda portı gumanitarlıq kömek jetkizilui üşin aşıladı. Ekonomikasınıñ 80 payızı importqa täueldi Yemende azıq-tülik qauipsizdigine baylanıstı qiındıqtar blokada bastalğan 6 qazannan bwrın tuındağan bolatın. Saud Arabiyasınıñ basşısı Mwhammed bin Salman Riyadqa qarsı atılğan ballistikalıq zımırandı Iran bergen degen ayıptau wsınıp edi. Biraq Yemendegi "Hautis" basqınşı tobın qoldauşı Irannıñ basşısı Hasan Rouhani barlıq boljamdardı joqqa şığardı.

Koaliciya gumanitarlıq kömek qabıldau büginnen bastalatının jetkizdi. Olar sonday-aq aldağı uaqıtta Yemen halqın aştıqtan qwtqaru üşin gumanitarlıq qoldau şaraların wyımdastıru boyınşa kölemdi jobaları bar ekenin ayttı.

BWW mälimetinşe, 20 mln adam, onıñ işinde 11 mln bala aştıq qaupinde qalıp otır. 14,8 mln adam alğaşqı medicinalıq kömekke mwqtaj. Gumanitarlıq kömekke tolıqtay täueldi bolıp otırğan Yemende äue soqqılarınıñ sebebinen 8 mıñ 670 adam qaza tauıp, 49 mıñ 960 adam jaralanğan. Olardıñ 60 payızı - beybit twrğındar.

“The Qazaq Times”