Photo: RIA Novosti.

Men Kärimov pen Nazarbaev meni keşirmeytinin bildim – dep mälimdedi Qırğızstan prezidenti Almazbek Atambaev.

Almazbek Atambaev memlekettik marapattardı tabıstauğa baylanıstı ötken saltanattı şarada söylegen sözinde öziniñ soñğı uaqıttarı jasağan mälimdemelerine tüsinikteme berdi. Ol onda: «Men är sözimde qızuqandı aytqanımmen, men barlıq mälimdememdi oylanıp jasaymın. Men keybir dünielerdi jasağanda aldağı uaqıtta öte küşti jaularım bolatının bildim. Mısalı, men Bişkek qalasınan AQŞ äskeri bazasın şığarğanda oğan eşkim sengen joq. Iä olar bizge kömektesti. Aldağı uaqıtta da kömekteser edi. Biraq biz osı arqılı wlı derjava körşilerimiz Qıtay men Reseydi renjitip aldıq. Bizde mınanday maqal bar «alıstağı ağayınnan jaqındağı körşiñ artıq» - degen. Ärine mümkin Sem köke bizge tuıs emes şığar. Biraq olar bizge kömekteser edi. Alayda birinşi kezekte körşiñmen tatu bolu kerek. Äsirese, wlı Qıtay men Resey siyaqtı körşileriñmen. Keyde kerisinşe, mağan körşilermen qarım-qatınastı bwzuğa tura keldi. Sizder meni Kärimov keşirmeytinin bilgende quandı dep oylamañızdar. Sizder oylamañızdar, meni Nazarbaev eşqaşan keşirmeytinin bilmedi dep. Eger de men BWW-da ündemey qalğanımda qazir eldi "jandayşap" basqarıp otıratın edi» - degen.

Esteriñizge salayıq, Qazaqstan men Qırğızstan arasındağı dau Nwrswltan Nazarbaev qırğız prezidenttigine ümitker Ömirbek Babanovpen kezdeskenen keyin bastalğan. Osıdan keyin Almazbek Atambaev resmi Astananı "eldiñ işki sayasatına qol swqtı" dep ayıptap, Qazaqstanğa qarsılıq notasın jibergen. Qazaqstan tarapı qırğız biliginiñ bwl qarsılığın negizsiz ekendigin aytıp, jauap qatqan bolatın. Biraq eki el arasındağı dau bwnımen ayaqtalmağan. Qırğızstandağı prezident saylauına deyin de, keyin de Atambaev öziniñ är mälimdemesinde Qazaqstan biligin sınauın toqtatpauda.

“The Qazaq Times”