Livannıñ bwrınğı Prem'er-ministri Saad Hariri eline oraldı

Livannıñ 4 qaraşa küni  Er-Riyadtağı saparı barısında sırttay öz lauazımınan bas tartqan Prem'er-ministri Saad Hariri eline oraldı. Livannıñ Prezidenti Mişel' Aun Ükimet basşısınıñ bwl tüsiniksiz qılığın Saud Arabiyasınıñ qısım körsetuimen baylanıstırıp, mwnaylı memleketti "Saad Hariridi küştep wstap otır" dep ayıptağan bolatın. Äleumettik jeliler men BAQ arqılı öziniñ erkindikte ekenin birneşe ret aytqan Saad Haririden Livannıñ memleket basşısı elge oraluın talap etken edi. 

Mişel' Aun öz Prem'eriniñ şet elde jürip, auızşa mälimdeme arqılı memlekettik qızmetinen bas tartqanı qwp körmedi. Prezident Livanğa kelip, arnayı jwmıstan bosaytını turalı ötiniş bermeyinşe, Saad Hariridiñ resmi habarın qabıl almaytının aytqan bolatın. Älemdik aqparat qwraldarında Saad Hariri Beyruttıñ halıqaralıö äuejayına tün ortasında kelip qonğanı habarlandı. Ol özi aldın ala uäde etkendey, bügin ötetin Livannıñ 47-şi Täuelsizdik merekesine oray wyımdastırılatın äskeri şeruge qatısadı.

Eki aptağa juıq uaqıt işinde Kair, Parij ben Äbu Dabige sapar şegip ülgergen Saad Hariri endi öz Otanında nelikten şeninen bas tartu turalı şeşim qabıldağanın jäne Iran men Hezbolla wyımın ayıptaytın mälimdeme jasağanın tüsindiretin boladı. Livanmen qatar Saud Arabiyasınıñ azamattığına ie bwrınğı Prem'er osıdan bwrın Süriyada terrorşılarğa qarsı küres jürgizip otırğan Hezbolla wyımı öñirden ketse, otstavkağa ketu turalı oyınan bas tartuı mümkin ekenin habarlağan. Hezbolla wyımınıñ basşısı Hasan Nasralla "Biz Saadtı äli de Livannıñ Prem'er-ministri dep esepteymiz. Biz barlıq dialogtar men kelissözderge dayınbız" , - dedi.

“The Qazaq Times”