فوتو: kremlin.ru

ليۆاننىڭ 4 قاراشا كۇنى  ەر-ريادتاعى ساپارى بارىسىندا سىرتتاي ءوز لاۋازىمىنان باس تارتقان پرەمەر-ءمينيسترى سااد حاريري ەلىنە ورالدى. ليۆاننىڭ پرەزيدەنتى ميشەل اۋن ۇكىمەت باسشىسىنىڭ بۇل تۇسىنىكسىز قىلىعىن ساۋد ارابياسىنىڭ قىسىم كورسەتۋىمەن بايلانىستىرىپ، مۇنايلى مەملەكەتتى "سااد ءحاريريدى كۇشتەپ ۇستاپ وتىر" دەپ ايىپتاعان بولاتىن. الەۋمەتتىك جەلىلەر مەن باق ارقىلى ءوزىنىڭ ەركىندىكتە ەكەنىن بىرنەشە رەت ايتقان سااد حاريريدەن ليۆاننىڭ مەملەكەت باسشىسى ەلگە ورالۋىن تالاپ ەتكەن ەدى. 

ميشەل اۋن ءوز پرەمەرىنىڭ شەت ەلدە ءجۇرىپ، اۋىزشا مالىمدەمە ارقىلى مەملەكەتتىك قىزمەتىنەن باس تارتقانى قۇپ كورمەدى. پرەزيدەنت ليۆانعا كەلىپ، ارنايى جۇمىستان بوسايتىنى تۋرالى ءوتىنىش بەرمەيىنشە، سااد ءحاريريدىڭ رەسمي حابارىن قابىل المايتىنىن ايتقان بولاتىن. الەمدىك اقپارات قۇرالدارىندا سااد حاريري بەيرۋتتىڭ حالىقارالىو اۋەجايىنا ءتۇن ورتاسىندا كەلىپ قونعانى حابارلاندى. ول ءوزى الدىن الا ۋادە ەتكەندەي، بۇگىن وتەتىن ليۆاننىڭ 47-ءشى تاۋەلسىزدىك مەرەكەسىنە وراي ۇيىمداستىرىلاتىن اسكەري شەرۋگە قاتىسادى.

ەكى اپتاعا جۋىق ۋاقىت ىشىندە كاير، پاريج بەن ءابۋ دابيگە ساپار شەگىپ ۇلگەرگەن سااد حاريري ەندى ءوز وتانىندا نەلىكتەن شەنىنەن باس تارتۋ تۋرالى شەشىم قابىلداعانىن جانە يران مەن حەزبوللا ۇيىمىن ايىپتايتىن مالىمدەمە جاساعانىن تۇسىندىرەتىن بولادى. ليۆانمەن قاتار ساۋد ارابياسىنىڭ ازاماتتىعىنا يە بۇرىنعى پرەمەر وسىدان بۇرىن ءسۇريادا تەررورشىلارعا قارسى كۇرەس جۇرگىزىپ وتىرعان حەزبوللا ۇيىمى وڭىردەن كەتسە، وتستاۆكاعا كەتۋ تۋرالى ويىنان باس تارتۋى مۇمكىن ەكەنىن حابارلاعان. حەزبوللا ۇيىمىنىڭ باسشىسى حاسان ناسراللا ء"بىز ساادتى ءالى دە ليۆاننىڭ پرەمەر-ءمينيسترى دەپ ەسەپتەيمىز. ءبىز بارلىق ديالوگتار مەن كەلىسسوزدەرگە دايىنبىز" ، - دەدى.

“The Qazaq Times”