Foto: ria.ru

Delidegi ata-analar qalanı basqan qauipti twmanğa qaramastan, mektepterdiñ qayta aşılğanına narazı. Olar qala äkimşiligi balalardıñ densaulığına nemqwraylı qarap otır dep esepteydi. Aua qwramındağı PM2.5 ulı zatınıñ mölşeri düysenbi küni 500-di körsetip twr. Ötken aptada Düniejüzilik Densaulıq saqtau wyımı Ündistandağı auanıñ lastanuı qalıptı deñgeyden 70 esege artıp ketken dep dabıl qaqqan bolatın. Osığan baylanıstı jabılğan mektepter endi qaytadan jwmısın bastap otır. 

2015 jılı jürgizilgen zertteu Ündistandağı 10 balanıñ törteui ökpe auruınan zardap şegetinin körsetken. Därigerler qauımdastığı auanıñ lastanuı balalar üşin öte ziyandı ekenin aytadı. Ata-analar "Balalardıñ mektepke jötelip, qiındıqpen baratının körip, janımız auıradı" dep narazılıq bildirdi.

Deli - älemdegi eñ las astanalardıñ biri. Qaladağı öndiris orındarı men avtoköliktiñ köptigi jağdaydı odan äri uşıqtıra tüsken. Qalalıq äkimşiliktiñ düysenbiden bastap jeke kölik qoldanısına tıyım salu turalı jarlığı Ekologiyalıq Sottıñ şeşimimen joqqa şığarıldı. Sotqa jeke kölikti paydalanu qwqığı äyelder men däuletti, lauazımdı adamdar üşin saqtalıp qalğanı wnamağan.

“The Qazaq Times”