دەليدەگى اتا-انالار قالانى باسقان قاۋىپتى تۇمانعا قاراماستان، مەكتەپتەردىڭ قايتا اشىلعانىنا نارازى. ولار قالا اكىمشىلىگى بالالاردىڭ دەنساۋلىعىنا نەمقۇرايلى قاراپ وتىر دەپ ەسەپتەيدى. اۋا قۇرامىنداعى PM2.5 ۋلى زاتىنىڭ مولشەرى دۇيسەنبى كۇنى 500-ءدى كورسەتىپ تۇر. وتكەن اپتادا دۇنيەجۇزىلىك دەنساۋلىق ساقتاۋ ۇيىمى ۇندىستانداعى اۋانىڭ لاستانۋى قالىپتى دەڭگەيدەن 70 ەسەگە ارتىپ كەتكەن دەپ دابىل قاققان بولاتىن. وسىعان بايلانىستى جابىلعان مەكتەپتەر ەندى قايتادان جۇمىسىن باستاپ وتىر.
2015 جىلى جۇرگىزىلگەن زەرتتەۋ ۇندىستانداعى 10 بالانىڭ تورتەۋى وكپە اۋرۋىنان زارداپ شەگەتىنىن كورسەتكەن. دارىگەرلەر قاۋىمداستىعى اۋانىڭ لاستانۋى بالالار ءۇشىن وتە زياندى ەكەنىن ايتادى. اتا-انالار "بالالاردىڭ مەكتەپكە جوتەلىپ، قيىندىقپەن باراتىنىن كورىپ، جانىمىز اۋىرادى" دەپ نارازىلىق ءبىلدىردى.
دەلي - الەمدەگى ەڭ لاس استانالاردىڭ ءبىرى. قالاداعى ءوندىرىس ورىندارى مەن اۆتوكولىكتىڭ كوپتىگى جاعدايدى ودان ءارى ۋشىقتىرا تۇسكەن. قالالىق اكىمشىلىكتىڭ دۇيسەنبىدەن باستاپ جەكە كولىك قولدانىسىنا تىيىم سالۋ تۋرالى جارلىعى ەكولوگيالىق سوتتىڭ شەشىمىمەن جوققا شىعارىلدى. سوتقا جەكە كولىكتى پايدالانۋ قۇقىعى ايەلدەر مەن داۋلەتتى، لاۋازىمدى ادامدار ءۇشىن ساقتالىپ قالعانى ۇناماعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى