Foto: bnr.bg

Kataloniyanıñ bwrınğı basşısı Karles Pudjemont jäne onımen birge Bel'giyağa qaşqan 4 eks-ministr twtqındaldı. Olar Sottıñ aldında jauapqa tartılğannan keyin, Bel'giyanıñ şekarasınan aspau turalı qolhatpen qayta bosatıldı. Endi kelesi sot otırısı 15 künnen keyin boladı. Sol kezde Bel'giya Ükimeti Kataloniyanıñ bwrınğı bilik ökilderin Ispaniyağa ekstradiciyalau ne elde qaldıru turalı şeşimderin jariyalaydı.

Osıdan bwrın Ispaniyadağı sottıñ ädildigine senbegen Karles Pudjemont pen onıñ jaqtastarı Bel'giyağa bas sauğalap kelgen bolatın. Olar özderin qorğauğa alu boyınşa Bryusseldiñ zañgerleri men beldi twlğalarınıñ kömegine jüginip körgen.

Barselonada qolğa tüsken jäne quadalauğa wşığaran katalon basşıların bosatudı talap etken halıq alañğa jinaldı. Jergilikti policiyanıñ dereginşe universitet alañınan 350 adam toptalıp, sayasi twtqındar üşin bostandıq swrağan. Olar Karles Pudjemont jazadan qaşıp jürmegenin, tek ädil ükim alğısı keletindikten Ispaniyanıñ emes, Bel'giyanıñ Sotına senim artıp otırğanın aytadı.

Sarapşılardıñ aytuınşa, eger Bryussel' Sotı Ispaniyada Karles Pudjemonttıñ negizgi qwqıqtarı taptaluı mümkin degen boljam jasasa, onı elge qaytarmauı mümkin. Sottıñ soñğı şeşim şığarğanğa deyin 60 kün uaqıtı bar.

“The Qazaq Times”