Bel'giya ükimeti elde karantin talaptarın küşeytti. Bwrın maskalardı tek qoğamdıq kölikterde kiyu qajet bolsa, endi olardı ğimarattardıñ işinde de kiyu talap etiledi.

Bel'giyanıñ Densaulıq saqtau ministri Meggi de Blok: «Biz ekinşi tolqınğa dayın bolu üşin barlıq şaranı qabıldadıq. Endi demalıstan oralğan azamattar virustıñ taraluına türtki boluı mümkin. İndettiñ qayta örşuine jol bermes üşin aldın aluımız şart. Biz aurulardı baqılau jäne aldın alu boyınşa Europa ortalığınıñ wsınıstarın orındadıq. YAğni rastalğan ğana emes, sonımen birge barlıq küdikti jağdaylar turalı da habarlandı. Qarttar üyindegi köptegen nauqas jası kelgendikten köz jwmdı ma, jüregi, ökpesi auırdı ma, älde COVID-19 boldı ma? Ol jağı belgisiz. Koronavirustan qaytıs boluı da mümkin. Sebebi olardıñ deni tınıs alu joldarına şağımdanğan», – deydi.

Bel'giyada soñğı birneşe täulikte tek 85 adamnan indet anıqtalğan. Elde koronavirustıñ taraluına şekteu qoyılğandığına qaramastan, bilik alañdaulı. Jergilikti halıq jazğı demalıstan oralğan sätte dert qayta dendeydi me dep qauiptenip otır.

"The Qazaq Times"