Foto: greenbelarus.info

Donal'd Tramp öziniñ Aziyağa saparı barısında iskerlik düysenbisin Soltüstik Koreya mäselesine jılı qabaq tanıtudan bastadı. Sözinde ädettegidey "Birde bir diktator AQŞ-tıñ küşin bağalamay, opıq jemeui kerek" dep eskertu jasağan ol KHDR-men kelissözder jürgizuge qarsı emestigin bildirdi. Bwl turalı APF aqparattıq agenttigi jazdı. 

Donal'd Tramptıñ Aziyağa resmi saparı barısında  Soltüstik Koreyamen aradağı qayşılıqtı qatınası bastı taqırıptardıñ biri bolatını belgili. Öytkeni soñğı kezde Amerikanıñ Oñtüstik Koreya jäne Japoniyamen birlesip jürgizgen äskeri-jattığuları Soltüstik Koreyanıñ tağı bir yadrolıq qaru sınamasın jasauğa itermeleui mümkin.

Donal'd Tramp: "Men kez kelgen adammen bir üstel basına otıra alamın. Onı älsizdik ne mıqtılıq dey almaymın. Men Soltüstik Koreyamen kelissözderge qarsı emespin, biraq onı ötkizuge äli erte siyaqtı", - dedi.

AQŞ Prezidenti sonday-aq wşaqta jurnalisterge bergen swhbatı barısında: "Soltüstik Koreya bizdiñ elimiz ben bükil älem üşin öte ülken mäsele jäne biz onı şeşkimiz keledi", - dedi. Odan bölek memleket basşısı Soltüstik Koreya azamattarına birinşi ret: "Olar öte eñbekqor jäne wlı adamdar dep oylaymın. Olar älem tanığan keyipine qarağanda äldeqayda meyirimdi siyaqtı", -dep erekşe jılı söz arnadı.

“The Qazaq Times”