AQŞ prezidenti Tramp. Foto:The Independent.

Qwrama Ştattağı «The Wall Street Journal» basılımı men NBC arnası eñ soñğı saualnama nätijesin jariyaladı. Saualnama nätijesi körsetkendey, AQŞ prezidenti Donal'd Tramptı qoldau körsetkişi onıñ qızmetke kelgennen bergi eñ tömengi şekke jetken. Bwl turalı atalğan aqparat közderiniñ resmi sayttarında jazıldı.

Saualnamağa qatısqan amerikalıqtardıñ basım köpşiligi Tramptı özderiniñ lideri nemese qanday da bir sayasi mäseleni şeşuşi adam retinde moyındamağan. Biraq bwl pikirdegilerdiñ köbi derlik Tramptıñ ekonomikadağı wtımdı şaraların moyındağan.

Jaña saualnama nätijesine qaraytın bolsaq, prezident Tramptı qoldau körsetkişi 38 payızdı qwrağan. Bwl qırküyektegi saualnamağa qarağanda bes payızğa tömen. Jalpı alğanda, respondentterdiñ 58 payızı Tramptıñ ağımdağı biliginiñ önimdiligin moyındamadı.

Degenmen, Respublikaşıldardıñ 80 payızdan astamı Tramp ükimetiniñ önimdi qızmetin moyındap otır. Bwl retki saualnamağa qarağanda, sayasi täuelsizderdiñ Tramptı qoldau körsetkişi köbirek tömendegen. Sonday-aq saylauşılar bazası da älsiregeni bayqaladı.

Ayta keteyik, saualnama 23-26 qazan aralığında, 900 azamat qatısuımen ötkizilgen.

“The Qazaq Times”