Satan-2. Foto: empr.media.

Resey «Satan-2» attı yadrolıq qaruın sınaqtan ötkizedi. Bwl yadrolıq qarudıñ quatı AQŞ-tıñ Ekinşi Düniejüzilik soğıs kezinde Japoniya araldarına tastağan eki atom bombasınan 15 esege quattı. Bwl turalı Reuters aqparattıq agenttigi mälimdedi.

Atalğan yadrolıq qarudı alıp wşatın zımırannıñ salmağı 100 tonnadan asadı. Bwl özimen birge 15 yadrolıq oq twmsıqtı alıp jüruge qabletti. Mäskeu jaq taratqan mälimetke qarağanda, yadrolıq sınaq biıl jıl soñına deyin ayaqtaladı. Äri bwl qarudıñ AQŞ qorğanıs jüyelerin de joya alatının alğa tartuda.

Soñğı jıldarı Resey qarulı küşterge bölinetin byudjetti arttırdı jäne qarulardı jappay jañartudı qolğa alıp keledi. Reseydiñ qorğanıs byudjeti 2006 jılmen salıstırğanda eki esege artqan. Reseydiñ yadrolıq sınaqqa dayındaluı AQŞ prezidenti Donal'd Tramptıñ eldiñ yadrolıq arsenalın jañartuına bergen jauabı bolıp otır.

“The Qazaq Times”