Qazaqstanda eñ iri jılıjay keşeni osı jıldıñ jartı jılında 4 mıñ tonnağa juıq önim aldı. Gektarına 300-350 centnerden önim alıp otırğan «Adelya» jılıjayı 16 gektar jerge qızınaq pen qiyar egip, jılına eki ret önim alğan, dep habarlaydı OQO äkimdiginiñ baspasöz qızmeti. Jılıjay Ordabası audanı, Badam auılında ornalasqan.

Jılıjayda francuz kompaniyasınıñ zamanaui qondırğıları ornatılğan. Mwnda jılıtudan bastap tamşılatıp suaruğa deyingi barlıq process komp'yutermen baqılanadı.

Käsipkerlerdiñ aytuınşa, mwndağı ösiriletin kökönister ekologiyalıq taza önim. Olardı ösirude qoldanılatın tehnologiya su men tıñaytqıştardı jäne basqa da resurstardı ünemdeuge mümkindik beredi. Jinalğan önimniñ basım böligi Reseyge eksporttalsa, qalğanı Qazaqstannıñ Almatı, Astana qalalarına jiberiledi.

Jobanı «QazAgroQarjı» akcionerlik qoğamı qarjılandırğan. Atalmış wyım 2011 jılı 440 million teñge köleminde jeñildetilgen nesie berse, 2013 jılı 2,2 milliard teñge köleminde qarjı bölgen.

Jalpı oblıs aumağındağı jılıjaydıñ jalpı kölemi 900 gektardan asadı. Bwl - Qazaqstandağı jılıjay şaruaşılığınıñ şamamen 80 payızın qwrap otır.

“The Qazaq Times”