Foto: APF

Türkiya Prezidenti Rejep Tayıp Erdoğannıñ Ankarada Europağa qatıstı jasağan mälimdemesi birqatar şeteldik basılımdardıñ atışulı taqırıptarına aynaldı. Ol öz sözinde: "Türkiyağa Europa qajet emes, Europağa Türkiya kerek" degen bolatın. Bwl turalı Äl-Jazira aqparattıq agenttigi jazdı. 

Türkiya Euroodaqqa kiru turalı ötinişin alğaş ret 1987 jılı jasağan. Ol kezde qarastırılmay qalğan bastama 2005 jılı qayta jandandı. Odan beri arada 12 jıl uaqıt ötse de, Türkiya Euroodaqtıñ müşesine aynalğan joq. Soñğı kezderi Europa basşıları men Türkiya biligi arasındağı salqın qarım-qatınas onsız da ornınan qozğalmay twrğan procesti tağı da keşeuildetkeni belgili. Tözimi tausılğan boluı kerek, Rejep Tayıp Erdoğan osıdan bwrın "Europa bizge qatıstı şeşimin kesip aytsın, uaqıtımızdı almasın!" dep aşıq mälimdeme jasap edi.

Türkiya Prezidenti sonday-aq: "Europa Türkiyasız oqşaulanu men azamattıq beybereketsizdikke wşıraydı. Türkiyağa Europa kerek emes. Onıñ "sozılmalı" mäselelerin şeşu üşin oğan biz kerekpiz. Türkiyada qazir neo-wlttıq partiyalar beleñ alıp keledi. Europa özi ornatqan principterin özi qwlatıp jatır", - dedi.

“The Qazaq Times”