Foto: travel.rambler.ru

Ispaniyanıñ Kataloniya aymağında bastalğan separatistik qozğalıs Italiyada jalğasın taptı. Italiyanıñ soltüstiktegi ekonomikalıq äleueti joğarı eki öñiri keñeytilgen avtonomiyağa qol jetkizudi qalaytındarın bildirip, dauıs berdi. Bwl turalı APF aqparatıq agenttigi jazdı. 

Öñir basşılarınıñ aytuınşa, jeksenbi küni ötken referendumğa qatısqan halıqtıñ 90 payızğa juığı avtonomiya biligin keñeytuge dauıs bergen. Bwl şaranıñ Italiyanıñ ortalıq biligi üşin zañdı küşi bolmağanımen, halıq arasında bwrınnan qalıptasqan "Soltüstiktiñ bay audandarı kedey oñtüstikti asıraudı doğaruı kerek" degen separatistik köñil-küydiñ Kataloniya oqiğasınan keyin jaña sipat ala bastauı alañdatarlıq jağday.

Bwl turalı Europa Parlamentiniñ basşısı Antonio Tayani: "Europadağı negizgi wlttardan özge halıqtardıñ memleketten bölinu turalı ideyalarınıñ taraluına qarsı twru kerek. Sondıqtan Europada eşkim Kataloniyanıñ täuelsizdigin moyındamauı tiis", - dep kesip ayttı.

Lombardiya öñiri jıl sayın Rimge 54 mlrd euro, al Veneto 15,5 mlrd euro salıq töleydi. Degenmen olardıñ aymaqtıñ qajettilikterine alatın byudjeti atalğan qarjıdan äldeqayda az. Endi qos öñir basşıları Ortalıq Ükimetten jıl sayınğı qazınağa ötkiziletin aqşa kölemin eki esege qısqartıp, infraqwırılım, densaulıq saqtau men bilim beru isin jetildiruge qatıstı naqtı wsınıstarın Rimge joldauğa bekinip otır. Sonday-aq Lombardiya men Venetodağı migraciya men qauipsizdikti qadağalau tetikterin öz qoldarına aludı qalaydı.

“The Qazaq Times”