Foto: Win McNamee / Getty Images

Amerikalıq Forbes jurnalı 2017 jılğı eñ bay 400 amerialıqtıñ tizimin jariyaladı. Jaña reyting boyınşa AQŞ Prezidenti Donal'd Tramptıñ körsetkişi tömendep ketken. Osı jolı onıñ qarjısı 600 mln dollarğa azayıp, 3,1 mlrd dollardı qwradı jäne reytingte 248 orında twr. 

Reyting boyınşa Amerikanıñ eñ bay adamı retinde  Microsoft kompaniyasınıñ negizin qalauşı Bill Geyts bolıp qaldı. Onıñ qarajatı bir jalda 8 mlrd dollarğa köbeyip, 89 mlrd dollar boldı. Ekinşi orında internet alpauıtı Amazonnıñ jäne Blue Origin aeroğarış kompaniyasınıñ negizin qalauşı Djeff Bezos, ol 2017 jılı öziniñ tabısın 14,5 milliard dollarğa arttırdı. Al Berkshire Hathaway kompaniyasınıñ bas atqaruşı direktorı jäne investor Uorren Baffettiñ tabısı bir jılda 12,5 milliard dollarğa köbeyip, 78 milliard dollarğa jetti jäne osı qarjısımen üşinşi orındı ielendi.

Al alğaşqı bestikke  Facebook-tıñ negizin qalağan Mark Cukerberg pen Oracle kompaniyası direktorlar keñesiniñ törağası Larri Elison kiredi. Cukerbergtiñ qarajatı bir jıl işinde 15,5 mlrd-ğa köbeyip, 71 mlrd dollar bolsa, Elisonnıñ jağdayı 9,7 mlrd-qa artıp, 59 mlrd dollarğa jetken.

Sonday-aq, reytingke ilingen 400 amerikalıq baydıñ işinde eñ jası - Snapchat jelisiniñ negizin qalauşılardıñ biri Evan Şpigel', onıñ qarajatı - 3,1 mlrd dollar. Eñ käri milliarder - 94 jastağı developer Aleks Spanos (2,4 mlrd dollar), eñ bay amerikalıq äyel  Walmart sauda jelisi ieleriniñ biri  Elis Uolton. Ol 38,2 mlrd dollar qarjısımen reytingte 13 orında twr.

“The Qazaq Times”