فوتو: Win McNamee / Getty Images

امەريكالىق Forbes جۋرنالى 2017 جىلعى ەڭ باي 400 امەريالىقتىڭ ءتىزىمىن جاريالادى. جاڭا رەيتينگ بويىنشا اقش پرەزيدەنتى دونالد ترامپتىڭ كورسەتكىشى تومەندەپ كەتكەن. وسى جولى ونىڭ قارجىسى 600 ملن دوللارعا ازايىپ، 3,1 ملرد دوللاردى قۇرادى جانە رەيتينگتە 248 ورىندا تۇر. 

رەيتينگ بويىنشا امەريكانىڭ ەڭ باي ادامى رەتىندە  Microsoft كومپانياسىنىڭ نەگىزىن قالاۋشى بيلل گەيتس بولىپ قالدى. ونىڭ قاراجاتى ءبىر جالدا 8 ملرد دوللارعا كوبەيىپ، 89 ملرد دوللار بولدى. ەكىنشى ورىندا ينتەرنەت الپاۋىتى امازوننىڭ جانە Blue Origin اەروعارىش كومپانياسىنىڭ نەگىزىن قالاۋشى دجەفف بەزوس، ول 2017 جىلى ءوزىنىڭ تابىسىن 14,5 ميلليارد دوللارعا ارتتىردى. ال Berkshire Hathaway كومپانياسىنىڭ باس اتقارۋشى ديرەكتورى جانە ينۆەستور ۋوررەن باففەتتىڭ تابىسى ءبىر جىلدا 12,5 ميلليارد دوللارعا كوبەيىپ، 78 ميلليارد دوللارعا جەتتى جانە وسى قارجىسىمەن ءۇشىنشى ورىندى يەلەندى.

ال العاشقى بەستىككە  Facebook-تىڭ نەگىزىن قالاعان مارك تسۋكەربەرگ پەن Oracle كومپانياسى ديرەكتورلار كەڭەسىنىڭ توراعاسى لارري ەليسون كىرەدى. تسۋكەربەرگتىڭ قاراجاتى ءبىر جىل ىشىندە 15,5 ملرد-عا كوبەيىپ، 71 ملرد دوللار بولسا، ەليسوننىڭ جاعدايى 9,7 ملرد-قا ارتىپ، 59 ملرد دوللارعا جەتكەن.

سونداي-اق، رەيتينگكە ىلىنگەن 400 امەريكالىق بايدىڭ ىشىندە ەڭ جاسى - Snapchat جەلىسىنىڭ نەگىزىن قالاۋشىلاردىڭ ءبىرى ەۆان شپيگەل، ونىڭ قاراجاتى - 3,1 ملرد دوللار. ەڭ كارى ميللياردەر - 94 جاستاعى دەۆەلوپەر الەكس سپانوس (2,4 ملرد دوللار), ەڭ باي امەريكالىق ايەل  Walmart ساۋدا جەلىسى يەلەرىنىڭ ءبىرى  ەليس ۋولتون. ول 38,2 ملرد دوللار قارجىسىمەن رەيتينگتە 13 ورىندا تۇر.

“The Qazaq Times”