Foto: Kursiv.kz

Qazaqstanda benzin bağası Reseyden importtalatın benzin kölemine baylanıstı rettelui mümkin. Bwl turalı "QazMwnayGaz Önimderi" kompaniyasınıñ damıtu jönindegi basqarma direktorı Baqıtjan Tasanbaev mälimdedi.

Onıñ sözinşe, qazirdiñ özinde "QazMwnayGaz" janar-jağarmay beketterinde AI-92 markalı benzinniñ litri 157 teñgeden satılıp jatır.

"Bağanı retteu qazaqstandıq jäne reseylik önimderdiñ naqtı kölemine  baylanıstı boluı mümkin. Bağa qazaqstandıq jäne reseylik bağalarğa, sonday-aq olardıñ jetkizu balansına täueldi. Bağanıñ şarıqtau şegin men naqtı ayta almaymın, biraq tım "aspandap" ketpeydi dep oylaymın. Qısqa merzimde bağa ösimi boladı", - dedi ol.

Sonday-aq, Tasanbaev AI-92 markalı benzinniñ bağası osı aptada twraqtalatının atap ötti.

"Astanada önim erkin satılıp jatır. AI-92 markalı benzinnen 2 mıñ tonnaday qor bar. Reseyden 2 mıñ tonna köleminde benzin importtaldı, tağı 800 tonnası jolda. Al jalpı Qazaqstanğa keler bolsaq, 20 mıñ tonna AI-92 markalı benzin jolda keledi. Qazirgi uaqıtta zauıttardıñ bireui jöndeuden ötip jatqanın eskersek jäne import qajet bolğandıqtan 45 mıñ tonna reseylik benzindi äkeluge kelisimşart jasastıq, onı jetkizu osı aptada jüzege asadı", - dedi Tasanbaev.

“The Qazaq Times”