BWW-nıñ 17 qañtar jariyalağan «Älemniñ ekonomikalıq jağdayı jäne bolaşağı» attı saraptauı boyınşa, Aziya ekonomikası öziniñ älem aldındağı «Jarıq nwr» ekenin jalğastı äygileude. Qazirgi älemniñ ekonomikalıq ösu qarqınınıñ bayaulauına jäne sauda men investiciya almasularınıñ älisireuine qaramastan, Aziya ekonomikası biılğı jılı da öziniñ twraqtı ösimin saqtap qaladı dep kütilude. «Şinhua»-nıñ sauda-ekonomika isi jönindegi aqparattıq saytı habarlaydı.

Küşti twtınu swranısı men ükimettiñ eksporttıq şığındardı jabuı nätijesinde, 2016 jılı Şığıs jäne Oñtüstik Aziya ekonomikasınıñ ösimi 5,7 payızdı qwrap, aldınğı jılmen wqsas körsetkişti saqtap qaldı. Saraptama nätijesi körsetkendey, Oñtüstik Aziya ekonomikalıq ösude eñ qarqındı aymaq bolıp sanaladı. Bwl aymaqtıñ 2016 jılğı ekonomikalıq ösimi 6,7% boldı. Jalpı Ündistan ekonomikasında eksporttıñ az salmaqtı ieleui sebepti, bwl elge älemdik sauda jäne investiciya ağımı da az äser etedi.  Sonıñ negizinde aldağı eki jılda ündi ekonomikası 7,7% pen 7,6% qwraydı dep boljanıp otır.

BWW «Älemniñ ekonomikalıq jağdayı jäne bolaşağı» saraptaması är jılı qañtar ayında taratıladı. Onı BWW-nıñ ekonomika jäne äleumettik mäseleler departamenti, Sauda jäne damu isi jönindegi keñesi, ekonomika jäne äleumettik ister komitetteri birlesip jasaydı. Ol BWW-nıñ mañızdı ekonomikalıq esepteriniñ biri bolıp tabıladı. Osıdan soñ jaña ekonomikalıq jağdaylarğa baylanıstı, jıldıñ alğaşqı jartısında qaytalay saraptaular jasaladı.

 

"The Qazaq Times"